Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Warmbad-tak maak ingange na dorp skoon

DeurAfriForum 27/03/202327/03/2023

AfriForum se Warmbad-tak het op 25 Maart die ingange na die dorp Bela-Bela vanaf die R516- en R101-pad, agter die munisipale gebou en die ou kliniek skoongemaak. Dié tak het ook die gras gesny en vullis in Grobler- en Robertsonstraat opgetel.

Hierdie tak het in September verlede jaar na afloop van die #VegEnBou-week parke in die Bela-Bela-area in stand begin hou en opgemerk dat die ingange na die dorp self ook opknapping nodig het. Daarom is die inisiatief van stapel gestuur om die gemeenskap bymekaar te bring en sodoende die ingange te begin opknap.

“Ons bedank graag ons borge wat ’n bydrae kon maak, of dit nou water is wat aangery is, of brandstof wat vir die bossiekappers verskaf is,” sê Piet Botha, voorsitter van die Warmbad-tak.

“Ons sien uit om ’n verskil in ons dorp te maak. Aksies soos hierdie sal op die lang duur ’n groot impak maak. Ons hou steeds die parke in stand en sien die projek as ons eie,” sê Carin Botha, sekretaris van die Warmbad-tak.

Raak vandag nog by AfriForum se in Warmbad-tak betrokke: SMS “jou naam” na 45342 (R1) en maak ’n verskil.