Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

Vryheid-buurtwag bied vuurwapenopleiding aan gemeenskap

DeurAfriForum 30/08/202331/08/2023

Die AfriForum-buurtwag in Vryheid het in Augustus 41 lede van die gemeenskap opgelei in vuurwapenhantering. Hierdie opleiding vorm deel van die buurtwag se opleidingsprogram om die gemeenskapslede te bemagtig en deurgaans hul bevoegdheid te verbeter ten einde meer doeltreffend teen misdaad op te tree.

“Ons is dankbaar dat soveel lede deelgeneem het aan hierdie opleiding. Ons het al verskeie ander lesings aangebied wat onder meer verband hou met toneelhantering, radiospraakprosedure en wetlike aspekte. Daar sal binnekort verdere opleiding aangebied word,” sê Henry Pretorius, AfriForum se buurtwagleier in Vryheid.

“Veiligheid is ’n belangrike komponent van ons takstruktuur en ons nooi graag lede van die gemeenskap om deel te word om sodoende ook baat te vind by die opleiding,” sê André van der Walt, voorsitter van AfriForum se Vryheid-tak.

“Dit is vir ons noodsaaklik dat gemeenskapslede hulself bemagtig in ’n wêreld waar misdaad handuit ruk. AfriForum bied daarom vlak een tot drie kursusse aan wat wissel van basiese opleiding vir patrolleerders tot meer gevorderde opleiding vir protospanlede,” sê Eugene van Aswegen, AfriForum se provinsiale koördineerder vir KwaZulu-Natal.

Kontak vir Hein Schonborn by 082 327 3639 om betrokke te raak by hierdie AfriForum-buurtwag.