Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Volgehoue druk op munisipaliteit lei tot herstel van watertoevoer

DeurAfriForum 20/06/202320/06/2023

AfriForum het op 15 Junie druk op die Mangaung Metropolitaanse Munisipaliteit geplaas om dringend aandag te skenk aan herstelwerk wat op ’n gebarste waterpyp gedoen moes word.

Dít volg nadat ’n sinkgat in Bloemfontein se middestad gevorm het omdat dié pyp gebars het. Gevolglik is sowel verskeie ondernemings as ’n studentewoning vir ’n week lank sonder water gelaat. Dié munisipaliteit het ook geen poging aangewend om water vir die publiek te voorsien nie.

Ná volgehoue druk deur AfriForum is die gebarste waterpyp die middag van 15 Junie herstel en die sinkgat is opgevul.

“Die munisipaliteit se versuim of onbereidwilligheid om basiese dienste aan inwoners en ondernemings te lewer is ’n groot bekommernis. Daar is nie eers ’n watertenkwa of waterpunt beskikbaar gestel om die publiek te ondersteun nie. Toegang tot veilige water is ’n basiese grondwetlike reg en die munisipaliteit moet verantwoordelik gehou word vir die voorsiening daarvan,” sê Christo Groenewald, AfriForum se distrikskoördineerder vir Bloemfontein.