Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Veiligheid Mediaverklarings

Veiligheidstrukture in Matzikama verhoog sigbaarheid voor feesseisoen

Deurafriforum 05/12/201902/11/2020

AfriForum se buurt- en plaaswagte in die Matzikama-streek neem sedert November vanjaar aan dié burgerregteorganisasie se nasionale sigbaarheidspatrollie deel. Die Matzikama-streek se patrollies sal tot 15 Desember 2019 voortduur.

AfriForum het dié nasionale projek van stapel gestuur om polisiëringsigbaarheid oor die komende feesseisoen te verhoog. Misdaad sal na verwagting oor die feesseisoen toeneem; daarom wil AfriForum se buurtwagte ’n verskil in hul onderskeie gemeenskappe maak deur inwoners met hoësigbaarheidsaksies gerus te stel en te beveilig.

AfriForum se plaaswagte in Nuwerus, Lutzville, Koekenaap, Vredendal, Kleinrivier, Spruitdrift en Trawal, asook die Lutzville-buurtwag het gedurende hulle beveiligingsaksies in November meer as 14 480 km in 213 voertuie afgelê. 311 patrolleerders het daaraan deelgeneem en ses voorvalle is suksesvol hanteer.

Die Nuwerus-plaaswag het op 20 en 22 November afsonderlik drie en twee persone in samewerking met die SAPD in hegtenis geneem. Dié verdagtes het na bewering by ’n motor probeer inbreek, gesteelde goedere in hul besit gehad en vee gesteel.

“Sigbaarheid speel ’n deurslaggewende rol in misdaadbekamping. Dit is proaktief van aard en ontmoedig misdadigers om voort te gaan met hul onwettige aktiwiteite. AfriForum-buurtwagte en -plaaswagte sal daarom klem lê op verhoogde sigbaarheidsaksies in hul onderskeie gebiede,” sê Wilco Engelbrecht, AfriForum se voorsitter vir gemeenskapsveiligheid in Matzikama.

Raak vandag nog by jou plaaslike AfriForum-buurtwag betrokke: SMS jou naam na 45353 (R1).