Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Upington-tak verfraai park op hoofstraat

DeurAfriForum 20/09/202420/09/2024

AfriForum se Upington-tak het 4 September die park op die hoek van Quarry- en Schroderstraat verfraai deur die vullis op te tel en die geroeste staal paaltjies om dié park, wat motoriste se toegang tot die park blokkeer, afgeskuur en geverf.

Die tak het spesifiek hierdie park vir opknappings geïdentifiseer omdat dit in Upington se hoofstraat – Shroderstraat, oftewel die N14 – en naby die gewilde Kalahari-winkelsentrum geleë is. Toeriste wat deur die dorp ry, sal dan ’n blik op Upington se netheid kry.

Hierdie projek is in samewerking met Deon’s Carpets and Ligting aangepak. Werknemers van dié plaaslike maatskappy het die paaltjies met die verf, skuurpapier en verfkwaste opgeknap wat AfriForum verskaf het. Die ongeveer 55 paaltjies is met heldergeel padmerkverf geverf, wat dit ook dan duidelik sigbaar maak saans wanneer ligte daarop skyn. Die verfaankope is moontlik gemaak deur AfriForum-taklede se maandelikse kontantbydraes.

“Hierdie is maar net die een van die vele projekte wat AfriForum in Upington doen en ek wil graag die gemeenskap aanmoedig om betrokke te raak,” sê Werner Strauss, AfriForum se distrikskoördineerder van die Kalahari.

Raak betrokke by AfriForum om ’n verskil in jou dorp of omgewing te maak: Besoek www.wordlid.co.za.