Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Veiligheid Mediaverklarings

Skokkende misdaadstatistieke bewys dat dit tyd is vir devolusie van polisiemagte

DeurAfriForum 23/11/202223/11/2022

Die skokkende toename in misdaad in Suid-Afrika is ’n duidelike bewys dat die SAPD onder leiding van minister van Polisie, Bheki Cele, na bewering misluk het om sy mandaat af te dwing en dit is tyd om die SAPD se magte af te wys.

Die SAPD is veels te lank deur swak politieke leierskap, korrupsie, ’n gebrek aan opleiding en ’n gebrek aan aanspreeklikheid lamgelê. Dit is duidelik dat hierdie situasie nie op nasionale vlak reggestel kan word nie, aangesien dit soortgelyk sal wees daaraan om ’n wolf te vra om die skape op te pas.

Terwyl politici soos Cele steeds leë beloftes maak, word gewone Suid-Afrikaners teen kommerwekkende tempo vermoor en verkrag.

“Cele is duidelik nie geskik vir sy pos nie. Hy prioritiseer partypolitiek bo om te verseker dat die SAPD doeltreffend funksioneer. Die minister het ook al herhaaldelik gewys dat hy nie die omvang van sy rol verstaan nie deur by die SAPD se operasionele aspekte in te meng,” sê Jacques Broodryk, AfriForum se woordvoerder vir Gemeenskapsveiligheid.

“Ongelukkig sal om net ontslae te raak van Cele nie die probleem in hierdie stadium oplos nie. Ons het reeds te ver op hierdie pad afgedwaal. Dit is nou tyd om die SAPD se magte af te wentel sodat hierdie kriminele gemors opgeruim kan word,” sluit Broodryk af.

AfriForum doen ook ’n beroep op lede van die publiek om betrokke te raak by hul plaaslike gemeenskapsveiligheidstrukture om die veiligheid van hul gemeenskappe te help verseker.

AfriForum het 159 buurtwagte landswyd. Raak betrokke by www.afriforumbuurtwag.co.za