GAUTENG

GROTER PRETORIA

Centurion

• Buurtwaglede het saam met Amerikaanse media aan ’n veiligheidsoperasie deelgeneem. 
• Die tak se buurtspan het ’n oop erf in Ashwoodrylaan in Clubview skoongemaak.
• Die buurtwag het busse vol kinders begelei ná optredes laat in die aand by ’n revue.
• Die tak se buurtspan het Heronpark in The Reeds skoongemaak.
• Buurtwaglede het opleiding in brandbestryding ontvang.
• Die tak se buurtspan het veiligheidskameras geïnstalleer om kabeldiefstal en onwettige storting hok te slaan.
• Die tak se buurtspan het verbeterings in Wierdapark aangebring deur die padoppervlak oor te verf.
• Die tak se buurtspan het asblikke leeggemaak ter voorbereiding vir die Hennopspark-pretloop.
• Buurtwaglede het talle persone wat vullis onwettig gestort het vasgetrek deur hul voertuie te skut en boetes van tussen R5 000 en R7 000 op te lê.
• Die tak se buurtspan het Furmanpark skoongemaak en herstelwerk gedoen op die speeltoerusting op die terrein as deel van die neem-’n-park-aan-inisiatief.
• Taklede het ’n bemarkingstalletjie beman tydens die jaarlikse Zwartkop-lugskou.

Pionier

• Buurtwaglede het gehelp om twee rooihartbeeste in die noorde van Pretoria aan hul eienaar terug te besorg.

Pretoria-Wes

• Die buurtwag het blitsig gereageer ná inligting ontvang is oor ’n huisbraak.
• Die tak het gehelp met die skoonmaak van sportfasiliteite by ’n privaat skool.

Pretoria-aksiespan

• Die span het vyf middelmanne op Hans Strijdomweg skoongemaak.
• Spanlede het 3 ton teer gebruik om 20 slaggate op te vul.
• Die span het AfriForum Jeug ondersteun tydens ’n fietswedren.  
• Spanlede het twee vragte vullis weggery ná ’n skoonmaakprojek by die Koedoeberg-substasie.
• Die span het ses verkeersirkels skoongemaak.
• Spanlede het die eerste fase van hul verfprojek by Glossa Estate in Moreletapark voltooi.
• Die span het ’n verkeersligprojek afgeskop.

WES-RAND EN VAALDRIEHOEK

Krugersdorp

• Buurtwaglede het ondersteuning gebied met die blus van ’n veldbrand in die Wieg van die Mensdom.
• Die buurtwag het die SAPD ondersteun deur ’n verdagte huis vir onwettige dwelms te deursoek. Hulle het twee gewere gevind, waarna een arrestasie gemaak is.
• Buurtwaglede het in samewerking met die GPF, Dowry, die SAPD, immigrasiebeamptes en ander AfriForum-patrolleerders ’n padblokkade gehou as deel van Operasie Shanela. Twee-en-twintig inhegtenisnames is gemaak vir bestuur onder die invloed van alkohol.
• Die tak het 120 bale gras geskenk aan die boer wie se lande in die Wieg van die Mensdom afgebrand het.
• Die buurtwag het inligting bekom dat vier onwettige immigrante in Cedar Country Lodge in Krugersdorp woonagtig was. Buurtwaglede het in samewerking met die GPF se Sektor 7 en Sektor 5, Dowry en die SAPD uiteindelik dié onwettige immigrante vasgetrek en in hegtenis geneem.
• Buurtwaglede het ’n ouerpaar huis toe begelei nadat hulle in Randfontein verdwaal het. Hulle is woonagtig in Rant-En-Dal in Krugersdorp.
• Die buurtwag is ontbied na ’n toneel waar twee verdagtes twee lede van die publiek beroof het. Ongelukkig het die verdagtes daarin geslaag om te vlug.
• Die tak het vyf swart kareebome aan die volgende skole geskenk: Laerskool Muldersdrif (1), Laerskool Protearif (1), Laerskool Krugersdorp-Noord (1) en Laerskool Wesrand (2).

Midvaal

• Die buurtwag het saam met die SAPD aan ’n operasie deelgeneem en die volgende suksesse behaal: 27 pakkies onwettige sigarette afgeneem, twee onwettige immigrante en die eienaar van die perseel in hegtenis geneem, vyf kaste bier by ’n onwettige sjebeen afgeneem en vier boetes vir die gebruik van alkohol in die openbaar opgelê.
• Buurtwaglede het wapenopleiding ontvang.
• Taklede is genooi vir ’n onderhoud op 90.6 FM (Vaal Stereo).
• Die tak het AfriForum se Vereeniging-tak gehelp tydens ’n skoonmaakprojek.
• Die buurtwag het saam met die SAPD aan Operasie Shanela deelgeneem en die volgende suksesse behaal: 19 onwettige immigrante in hegtenis geneem en drie dronk bestuurders toegesluit wat by ’n padblokkade vasgetrek is.

Vanderbijlpark

• Die buurtwag het saam met die SAPD aan Operasie Cross-Border deelgeneem.
• Buurtwaglede is ontbied na Pascalstraat nadat inwoners ’n geskreeu en ’n geraas aangemeld het.
• Die buurtwag het ondersoek ingestel na ’n bakleiery in Gerrit Maritzstraat, waarna hulle die nooddienste en die SAPD ontbied het.
• Buurtwaglede het hul na die substasie in Fresnelstraat gehaas ná inligting oor ’n inbraak ontvang is.
• Die buurtwag het ondersteuning gebied ná ’n inbraak by die substasie in Jean Websterstraat.
• Buurtwaglede se hulp is ontbied ná ’n inbraak by ’n huis in Melt Brinkstraat.
• Die buurtwag het ondersoek ingestel ná ’n inbraak by die substasie in Tannerstraat.
• Buurtwaglede is gekontak vir ondersteuning nadat ’n bakkie in Duckhamsstraat aan die brand geslaan het.
• Die buurtwag is ontbied na Langenhovenstraat nadat ’n verdagte vermoedelik parte van ’n substasie by hom gedra het. Geen parte is egter by hom gevind nie.
• Buurtwaglede is gekontak vir ondersteuning nadat ’n Eskom-paal in Ravelstraat omgeval en kragdrade gevolglik oor die pad gelê het.
• Die buurtwag het gehelp om ’n veldbrand naby Little Egypt te bestry.
• Buurtwaglede het hulp aangebied tydens werknemers van die Emfuleni Plaaslike Munisipaliteit se herstelwerk aan ’n substasie in Marconistraat.
• Die tak se projekspan het drie slaggate in Caledon Riverstraat opgevul.
• Die tak se projekspan het slaggate opgevul in Pasteur- en Faradayboulevard.
• Die tak se projekspan het ou bome wat in Phoenixpark omgeval het korter gesaag en die boomstompe na Centurions Motorfietsklub aangery.
• Die tak se projekspan het 15 bome aan Curro Vanderbijlpark geskenk.
• Die tak se projekspan het ’n skoonmaakprojek in Pasteurboulevard gehou.

Vereeniging

• Taklede het ’n skoonmaakprojek by die park in Risiville gehou, asook 35 bome in dié park geplant.
• Die tak het 260 sakke teer aan die N.G. Kerk Arconpark geskenk om slaggate voor die kerk op te vul.

OOS-RAND

Alberton

• Die buurtwag het ondersteuning op ’n ongelukstoneel op die N12-snelweg gebied deur die toneel te beveilig, nooddienste te ontbied en verkeer te reguleer.
• Buurtwaglede is deur ’n bekommerde ouer gekontak nadat haar seun steekwonde opgedoen het en met ’n ysterpyp geslaan is tydens ’n aanrandingsvoorval. Nooddienste is ontbied, waarna die seun na ’n hospitaal vervoer is.
• Die buurtwag se hulp is ingeroep nadat ’n kind vermis geraak het. Die kind is uiteindelik opgespoor.

• Buurtwaglede het in samewerking met plaaslike rolspelers ’n gekaapte vragmotor opgespoor. Twee verdagtes is gevolglik in hegtenis geneem.

• Die buurtwag is ontbied toe ’n onbeheerde brand ’n eiendom in Alrode bedreig het. Buurtwaglede het gehelp om die brand te blus.

• Die buurtwag het ondersteuning op ’n ongelukstoneel gebied deur die toneel te beveilig, nooddienste te ontbied en verkeer te reguleer.
• Buurtwaglede het in samewerking met AfriForum se Germiston- en Edenvale-tak, die SAPD en privaat sekuriteitsmaatskappye ’n gesamentlike operasie gehou waartydens vyf mense in hegtenis geneem is vir die gebruik van alkohol in die openbaar, asook dronkbestuur. ’n Groot afstand is afgelê tydens die operasie.

• Die buurtwag het gemeenskapslede ondersteun toe ’n onbeheerde brand ’n eiendom in Brackenhurst bedreig het. Buurtwaglede het hulp verleen en die brand is geblus.

• Buurtwaglede het ’n vrou ondersteun nadat haar voertuig onklaar geraak het. Die buurtwag het die voertuig weer aan die gang gekry en gesorg dat sy veilig by die huis aankom.
• Die buurtwag het ondersteuning gebied toe ’n veldbrand tussen die Alberton DBV en One On One Ministries talle eiendomme bedreig het. Buurtwaglede het die brand vinnig help blus.
• Buurtwaglede het aan ’n sigbaarheidspatrollie in Elsburg saam met AfriForum se Germiston- en Edenvale-tak, die SAPD en privaat sekuriteitsmaatskappye deelgeneem.
• Die buurtwag het blitsig gereageer toe ’n onbeheerde veldbrand naby die Kiblerpark Natuurreservaat uitgebreek het. Buurtwaglede het hulp verleen en die brand geblus.
• Buurtwaglede het ’n motoris te hulp gesnel nadat hy in Mayberry Park aangerand is. Nooddienste is gevolglik ontbied.
• Die buurtwag het ondersteuning op ’n ongelukstoneel gebied deur die toneel te beveilig, nooddienste te ontbied en verkeer te reguleer. Een van die bestuurders was vermoedelik onder die invloed van alkohol.
• Buurtwaglede is gekontak vir hulp ná ’n huisbrand in Verwoerdpark. Met die buurtwag se aankoms het die inwoners reeds die brand onder beheer gekry met brandblussers en tuinslange en kon die buurtwag op ’n brandende palmboom fokus. Die toneel is daarna aan die brandweer oorhandig.
• Taklede het weekliks by die Brackendowns-polisiestasie gras gesny, blare en rommel opgetel, asook bosse gesnoei.
• Die tak het aan AfriForum se boomplantmaandprojek deelgeneem deur tien bome by die Hoërskool Dinamika en St. Declan’s College te plant met behulp van leerders. Dit vorm deel van AfriForum se Erfenismaand-inisiatief.

Brakpan

• Taklede het ’n Erfenisdag-funksie bygewoon en aan ’n potjiekoskompetisie deelgeneem. Meer as 600 porsies kos is aan verskeie kinderhuise en ouetehuise geskenk.
• Die tak het ’n vergadering met verskeie rolspelers in Brakpan gehou om probleme binne die gebied aan te pak.

Benoni

• Die buurtwag het 1 359 km in 172 manure afgelê om hul gemeenskap te beveilig.
• Taklede het addisionele statiese ANPR-kameras op strategiese punte opgerig om hulle kameranetwerk uit te brei ten einde die Benoni-gemeenskap te beveilig. Hierdie gemeenskapskameranetwerk het reeds 1, 800 000 lesings in September geneem.
• Die tak het ’n skoonmaakprojek in Mollison- en Kirschnerweg gehou.
• Die tak het iKhaya da Luz-kinderhuis ondersteun met instandhoudingswerk deur die trampolien te herstel en ’n hok te bou waarin die gasbottels veilig gestoor kan word.
• Taklede het ’n asblikprojek van stapel gestuur deur talle addisionele asblikke in die dorp aan te bring en dit ook weekliks leeg te maak.
• Die tak se kameranetwerk het gehelp om ’n wit Volkswagen Polo op te spoor wat by ’n gewapende rooftog betrokke was. Die SAPD is gevolglik gekontak.

Edenvale

• Die tak het ’n skoonmaakprojek gehou by die groenstrook en vleiland in Sanerweg in Illiondale.
• Taklede het ’n skoonmaakprojek by Reringapark in Eastleigh gehou waartydens gras gesny en rommel opgetel is.
• Die buurtwag het ’n operasie saam met AfriForum se Germiston- en Alberton-tak, die SAPD en privaat sekuriteitsmaatskappye gehou waartydens vyf mense in hegtenis geneem is vir die gebruik van alkohol in die openbaar en dronkbestuur. ’n Groot afstand is tydens die operasie afgelê.

Germiston

• Die buurtwag het ’n operasie saam met AfriForum se Edenvale- en Alberton-tak, die SAPD en privaat sekuriteitsmaatskappye gehou waartydens vyf mense in hegtenis geneem is vir die gebruik van alkohol in die openbaar en dronkbestuur. ’n Groot afstand is tydens die operasie afgelê.
• Buurtwaglede het die Laerskool Klopperpark beveilig tydens ’n skooluitstappie.
• Die buurtwag het gehelp om ’n gesteelde vragmotorsleepwa in Klopperpark op te spoor.

Kempton Park

• Die tak het ’n helpende hand aan die gemeenskap uitgereik deur hulle mobiele gesondheidsentrum gratis aan die bejaarde inwoners van Lenitas-, Herfsland- en Allen Park-aftreeoord, asook ander bejaarde inwoners van Kempton Park beskikbaar te stel. Sodoende word gratis basiese gesondheidsdienste gelewer.
• Tak- en gemeenskapslede het saam ’n skoonmaakprojek by die Zuurfontein-begraafplaas gehou.
• Die tak se jeugvleuel het in samewerking met die buurtwag ’n veiligheidsoudit by die Laerskool Bredell uitgevoer om die veiligheid van die skool se leerders en personeel te verseker.
• Die tak het addisionele ANPR-kameras by hulle reeds bestaande netwerk gevoeg as deel van hulle kameraprojek om Kempton Park te beveilig.
• Die buurtwag het in samewerking met plaaslike veiligheidstrukture ’n vermiste persoon in die Croydon-omgewing opgespoor.
• Taklede het ’n veiligheidsbewusmakingsdag by ’n winkelsentrum in Bredell gehou. 

Springs

• Buurtwaglede het in samewerking met plaaslike rolspelers gehelp om twee verdagtes vas te trek wat ’n verkeerslig gesteel het.
• Die buurtwag het ondersteuning gebied op ’n ongelukstoneel deur die toneel te beveilig, nooddienste te ontbied en verkeer te reguleer.
• Taklede was betrokke by ’n reddingsoperasie waartydens nagenoeg 300 visse gered en verskuif is nadat die dam in Jan Ellispark droog begin loop het.
• Die tak het aan AfriForum se jaarlikse nasionale blou-en-groendruppelprojek deelgeneem om die watergehalte in Springs te bepaal.
• Die tak het aan AfriForum se boomplantmaandprojek deelgeneem deur ’n inheemse boom by die eendedam op die dorp te plant.
• Die tak se tuinspan het die eendedam in Springs skoon en netjies gehou.

MPUMALANGA

HOËVELD

Bethal

• AfriForum se noodwaterpunte by die Gereformeerde Kerk en die Afrikaanse Christelike Kerk is deur inwoners gebruik tydens wateronderbrekings in die dorp.
• Die tak het in samewerking met Skipgo Teksa weekliks 30 vullisdromme in die dorp leeggemaak.
• Die tak het weer ’n groot oes spinasie uit hul gemeenskapstuin aan die Silwerjare-ouetehuis, die Bethal-sopkombuis en die Morgenzon-gemeenskap geskenk.

TEKS (Trichardt, Evander, Kinross en Secunda)

• Die tak het sy skoonmaakprojek by die Secunda-begraafplaas afgesluit; ’n totaal van 31 000 m² is in September skoongemaak.
• Taklede het gehelp om brande te bestry.
• Die tak het een van sy lede gestuur om ’n kursus by te woon wat handel oor waterbestuur, die gehalte van drinkwater en die bestuur van rioolaanlegte.

Delmas

• Die Delmas Valke-buurtwag het drie verdagtes in hegtenis geneem.
• Delmas Valke-buurtwaglede het vier gesteelde voertuie help opspoor.
• Die Delmas Valke-buurtwag het ondersteuning aan motoriste gebied ná verskeie ysterpenvoorvalle op die N12-snelweg.
• Die Delmas Valke-buurtwag se mediese span het ondersteuning gebied by minstens 20 voorvalle, waarna die nooddienste ontbied is.

Ermelo en Chrissiesmeer

• Taklede het 36 sakke rommel uit die dorpe verwyder deur weekliks die vullisdromme leeg te maak.

Piet Retief

• Die buurtwag het sy maandelikse massapatrollie gehou.

Standerton

• Taklede het die SAPD in Standerton gehelp met herstelwerk aan hulle voertuie.
• Die buurtwag het ’n vermiste kind help opspoor.
• Buurtwaglede het ondersteuning gebied met die blus van verskeie brande.
• Die buurtwag het in samewerking met ander instansies inspeksies by winkels in die dorp gedoen om seker te maak dat hulle nie vervalle produkte verkoop nie en ook nie onwettige immigrante in diens geneem het nie.
• Die tak was verantwoordelik om water aan die diere te voorsien tydens die Standerton-skou.
• Die tak het die Kokkedoor-potjiekoskompetisie by die Standerton-skou gewen.
• Buurtwaglede het aan die nooddiensdemonstrasie op die Standerton-skou deelgeneem.
• Die buurtwag het ondersteuning op ’n ongelukstoneel gebied deur die toneel te beveilig, nooddienste te ontbied en verkeer te reguleer.

Middelburg

• Die tak het bome by die Rivierpark-aftreeoord in Middelburg geplant.

LAEVELD

Nelspruit

• Die buurtwag het deurlopend patrollies gery om hul gemeenskap te beveilig.
• Buurtwaglede het vier sigbaarheidspatrollies gehou om hul gemeenskap te beveilig.
• Die tak het ’n nuwe buurtspan aangewys wat verantwoordelik is vir weeklikse skoonmaakprojekte.
• Taklede het ses asblikke in Melkweg- en Enterprisepark leeggemaak.
• Die tak se LPR-kameras het veiligheidsrolspelers gehelp om gesteelde voertuie op verskeie punte te identifiseer.
• Die tak se noodwaterpunt is deur die stad se inwoners gebruik tydens watertekorte.
• Buurtwaglede het gehelp met die bestryding van twee brande in die omgewing. 
• Taklede het 40 sakke vullis verwyder tydens skoonmaakprojekte.
• Die buurtwag het ondersteuning gebied op drie ongelukstonele deur die tonele te beveilig, nooddienste te ontbied en verkeer te reguleer.

Witrivier

• Die tak het R10 000 aan die Kruger Lowveld Chamber of Business and Tourism se kameraprojek geskenk.
• Buurtwaglede het vier sigbaarheidspatrollies gery om hul gemeenskap te beveilig.  
• Die buurtwag het nuwe boorgatpomptoerusting ter waarde van R13 200 aangekoop vir herstelwerk aan die noodwaterpunt by die Witrivier Rugbyklub.
• Buurtwaglede het gehelp met die bestryding van drie brande in die omgewing.
• Die buurtwag het gehelp om ’n vermiste kind op te spoor.

Lydenburg

• Die buurtwag het deurlopend patrollies gery om hul gemeenskap te beveilig.
• Die tak het R4 000 aan die Lydenburg Sakekamer geskenk om te help met skoonmaakprojekte in die dorp. 
• Taklede het in samewerking met die Lydenburg Sakekamer vier skoonmaakprojekte aangepak en in totaal 33 sakke vullis verwyder.

Belfast

• Die tak se noodwaterpunte is deur die dorp se inwoners gebruik tydens watertekorte.
• Die tak se asblikprojek het daartoe bygedra om die dorp skoon en netjies te hou.
• Die tak het ’n petisie geloods teen die sluiting van die vullisterreine op Dullstroom, Machadodorp en Waterval Boven.

Machadodorp

• Die buurtwag het deurlopend patrollies gery om hul gemeenskap te beveilig.
• Buurtwaglede het gehelp met die bestryding van veldbrande buite Machadodorp.
• Die tak het ’n petisie geloods teen die sluiting van die vullisterreine op Dullstroom, Machadodorp en Waterval Boven.

Dullstroom

• Die tak het ’n petisie geloods teen die sluiting van die vullisterreine op Dullstroom, Machadodorp en Waterval Boven.
• Die tak se straatligprojek verlig 14 plekke in die dorp wat voorheen in donkerte gehul was.
• Die buurtwag het deurlopend patrollies saam met die GPF in Dullstroom gery om hul gemeenskap te beveilig.
• Die tak het 20 liter padverf geskenk vir instandhoudingsdoeleindes in die dorp.
• Die tak het aan AfriForum se nasionale blou-en-groendruppelprojek deelgeneem.

• LIMPOPO
•  

Naboomspruit  

• Taklede het die hele dorp se vullis verwyder.
• Die tak het voortgegaan met sy straatnaamprojek.
• Taklede het gehelp om die Helpende Hand-nasorgsentrum skoon te maak.
• Die tak het slaggate in 7de Laan opgevul.

Warmbad

• Die tak het Apiesdoringpark skoongemaak.
• Taklede het 3,5 ton teer gebruik om slaggate in die dorp op te vul.

Nylstroom

• Taklede het met die skoonmaakprojek by die dam gehelp.
• Die tak het druk op die munisipale bestuurder geplaas om rioollekkasies in die dorp te herstel.
• Taklede het bome geplant by die Waterberg CVO-skool, asook by ’n plaaslike park.

Phalaborwa

• Taklede het water aan inwoners voorsien tydens watertekorte in die dorp.
• Die tak het bome by verskeie skole op die dorp geplant.

Potgietersrus  

• Die buurtwag het opleiding vir sy lede aangebied.
• Buurtwaglede het gehelp met die bestryding van brande in die omgewing. 
• Die tak het bome by verskeie skole op die dorp geplant.

Groblersdal

• Die buurtwag het skietopleiding vir sy lede aangebied.
• Die tak het met die SAPD en die Departement van Justisie vergader oor foute wat tydens ondersoeke begaan word.
• Die tak se volgehoue druk op die SAPD het daartoe gelei dat aandag uiteindelik geskenk word aan ’n plaasaanval wat sewe jaar gelede plaasgevind het.

Marble Hall

• Die tak het ’n petisie oor die rioolkwessies op die dorp van stapel gestuur.
• Die tak het toestemming verkry vir die oprigting van ’n hek by die ingang na ’n spesifieke woonbuurt.
• Die tak het druk op plaaslike owerhede geplaas om onwettige plakkers te verwyder.

Ellisras

• Die Beska-plaaswag het ’n gemeenskapsvergadering gehou.
• Beska-plaaswaglede het paaie geskraap om dit meer begaanbaar vir voertuie te maak.
• Ellisras-buurtwaglede het verskeie brande in die omgewing geblus.
• Die Ellisras-buurtwag en Beska-plaaswag vorm ook nou deel van die Matlabas-steunkring.
• Die tak het druk op die Lephalale Plaaslike Munisipaliteit geplaas rakende toegang tot voldoende en volhoubare waterlewering.

Messina

• Die buurtwag het op Sondae patrollies rondom die begraafplaas gery sodat inwoners van die dorp hul afgestorwe geliefdes se grafte kon besoek.
• Die tak het druk op die Musina Plaaslike Munisipaliteit geplaas rakende toegang tot voldoende en volhoubare waterlewering.

Pietersburg

• Buurtwaglede het gehelp met die bestryding van brande in die omgewing.
• Taklede het in samewerking met Die Erfenisstigting die ou begraafplaas in die stad skoongemaak.
• Die tak het druk op die Polokwane Plaaslike Munisipaliteit geplaas rakende toegang tot voldoende en volhoubare waterlewering.

Thabazimbi

• Die tak het gehelp om oplossings vir die rioolprobleme in die dorp te vind.
• Die buurtwag het die SAPD tydens ’n operasie ondersteun.
• Taklede het die reservoirs in die dorp herstel.
• Die tak het slaggate in die dorp opgevul.
• Taklede het ’n 7,8 km lange pyplyn herstel.

Tzaneen

• Die tak het ondersteuning gebied tydens die aanbring van spoedwalle voor ’n plaaslike laerskool.
• Die buurtwag het gehelp met die bestryding van brande in Letsitele.