Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Overstrand-tak plant dertig inheemse bome in Kleinmond

DeurAfriForum 30/10/202330/10/2023

AfriForum se Overstrand-tak het Donderdag (26 Oktober) 30 inheemse bome, waaronder geelhout, assegaai, witpeer en kusvaalbos, by Laerskool Kleinmond aangeplant. Dié bome is deur Themba Trees, die Elgin-vallei se voorste kenners van inheemse bome, vir die projek geskenk, terwyl Kleinmond Tuindienste hul diens gratis aangebied het. Hulle het gate vir die jong boompies se nuwe staanplek gegrawe en ook hand bygesit met die plantwerk.

Volgens Jacques Benade, AfriForum se distrikskoördineerder vir die Boland, word daar met hierdie boomplantprojek nie net geplant vir ’n groener toekoms vir Kleinmond nie, maar verhoudinge tussen die Overstrand-tak, Laerskool Kleinmond en die gemeenskap word hiermee op ’n opbouende wyse uitgebrei.

Intussen sit AfriForum se Alfa-buurtwag sy goeie werk ten opsigte van gemeenskapsveiligheid in die Overstrand voort. Die Overstrand-tak is al hoe meer besig om ’n verskil te maak in die gemeenskap en wil in die toekoms ook ’n pad met plaaslike skole stap.

“Ons bedank die AfriForum-lede en elkeen wat gehelp het om hierdie boomplantprojek aan te pak. Dit laat ’n mens met ’n goeie gevoel wanneer mense, wat mekaar nie eens ken nie, bymekaarkom en vir ’n beter toekoms saamwerk,” sê Benade.

Die Overstrand-tak bedank graag elkeen wat ’n bydrae tot die projek gemaak het, insluitende: Esther Groenewald (skoolhoof van Laerskool Kleinmond), Hannes en Elma Nieuwoudt en Pietie Roux (Kleinmond Tuindienste), Du Toit Jordaan (onderwyser vir eko-skakeling by Laerskool Kleinmond) en Hendrik Lourens (terreinbestuurder by Laerskool Kleinmond). Overstrand se takbestuur, waaronder Carli Jooste, Lourens Theron en Carina Falck, het die nodige reëlings getref om die bome te bekom en dit te vervoer, en het sodoende help toesien dat die projek kon realiseer.

Lede van die gemeenskap word aangemoedig om by AfriForum se Overstrand-tak en Alfa-buurtwag betrokke te raak.