Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

#OnsDorp-veldtog: AfriForum se Oudtshoorn-tak maak brûe oor Grobbelaarsrivier skoon

Deur 28/10/201902/11/2020

Die AfriForum-tak in Oudtshoorn-tak het op 25 Oktober 2019 die brûe oor die Grobbelaarsrivier en die omliggende gebied skoongemaak as deel van dié organisasie se Ons Dorp-veldtog.

Die takbestuur het omstreeks 08:00 saam met ’n aantal vrywilligers by die brug in Rademeyerstraat bymekaargekom. Tien mense het gehelp om rommel – heelwat uit die rivier – te verwyder.

“Ons is baie dankbaar vir die hulp en toewyding van die AfriForum-bestuurslede wat hierdie projek moontlik maak. Ons is opgewonde om te sien dat die inwoners van Oudtshoorn toenemend verantwoordelikheid vir ons dorp en sy welstand aanvaar. Ons gaan hierop voortbou,” sê Christo Cloete, ondervoorsitter van AfriForum se Oudtshoorn-tak.

“Só ’n aksie dien as voorbeeld vir gemeenskapstrukture om self aan die werk te spring vir ’n skoner, veiliger en volhoubare toekoms,” sê Johan Conradie, voorsitter van AfriForum se Oudtshoorn-tak.

Raak vandag nog by jou plaaslike AfriForum-tak betrokke: SMS “Oudtshoorn” na 45342 (R1).