Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

#OnsDorp: Rustenburg-tak vul slaggate

Deur 14/10/201902/11/2020

AfriForum se Rustenburg-tak het die afgelope twee naweke meer as 4 ton teer gebruik om slaggate in dié stad as deel van AfriForum se #OnsDorp-veldtog te herstel. AfriForum-taklede en vrywilligers van Rustenburg het slaggate in Marais- en Thabo Mbekistraat opgevul. Die Rustenburg-tak het vanjaar al meer as 16 ton teer aangekoop om slaggate te vul.

“Die herstel van slaggate is vir ons ’n prioriteit en ons wil inwoners en skole wat soortgelyke probleme ervaar, aanmoedig om hul plaaslike AfriForum-tak te kontak,” sê Sampie Steinberg, AfriForum se assistentkoördineerder vir Marico

“Die tak sal soortgelyke volhoubare selfdoenprojekte aanpak. As ons as ’n gemeenskap saamwerk om probleme uit die weg te ruim, kan ons nog baie sukses behaal,” sê Chris Trytsman, voorsitter van AfriForum se Rustenburg-tak.

AfriForum doen ’n beroep op die Rustenburg-inwoners om by hul plaaslike tak in te skakel en sodoende ’n wesenlike verskil in die gemeenskap te maak.