Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

#OnsDorp: AfriForum se Pionier-tak help om gebarste waterpyp te herstel

DeurAfriForum 02/10/202302/10/2023

AfriForum se Pionier-tak in Meyerspark, Pretoria, het op 30 September hande gevat met rolspelers in die gemeenskap om watervoorsiening te verseker nadat inwoners vir vier dae sonder water was weens ’n gebarste waterpyp in Gracelaan.

Die Pionier-tak en Uitkyk Vleis- en Supermark het die nodige materiaal bekom om die pyp te las en die kontrakteurs gekry om die herstelwerk te behartig. Dié AfriForum-tak het gereageer nadat Ben Chapman, die plaaslike raadslid, hulp versoek het sodat die waterpyp herstel kon word.

Dit volg nadat die munisipale trok met die nodige onderdele en toerusting op 29 September onderweg was om die pyp te herstel en toe in Waltloo aan die brand gesteek is. Daarna is alle munisipale werkers se fone glo afgeskakel weens intimidasie en kon die raadslid niemand in die hande kry nie. Dit sou daartoe gelei het dat inwoners vandeesweek nog sonder water sou wees.

“Plaaslike rolspelers word elke dag al hoe meer genoodsaak om hand in eie boesem te steek om gemeenskappe te help. Sonder hierdie rolspelers sal gemeenskappe eenvoudig net meer en meer agteruitgaan,” sê Dewet Ungerer, AfriForum se distrikskoördineerder vir groter Pretoria-Suid.

Raak vandag nog by dié AfriForum-tak betrokke deur ’n e-pos na pioniers@afriforumtak.co.za te stuur.

Gemeenskapsake Mediaverklarings | Mediaverklarings

AFRIFORUM: ONTWIKKELING VAN INFORMELE NEDERSETTING BEDREIG VOORTBESTAAN VAN KAAPSE AASVOËL

DeurAfriForum 08/09/202113/09/2021

Die burgerregteorganisasie AfriForum het op 3 September 2021 kommentaar ingedien teen die ontwikkeling van die Matlakeng Uitbr. 11- informele nedersetting….