Onbekwame NVG het nog geen besluit geneem in Fikile Mbalula saak nie
Die Nasionale Vervolgingsgesag (NVG) het weer sy onvermoë getoon toe hy gekonfronteer is met ’n strafsaak teen Suid-Afrika se politieke elite. AfriForum se privaatvervolgingseenheid het met skok, maar min verbasing, verneem dat die Valke die Fikile Mbalula-saakdossier byna drie maande gelede aan die NVG oorhandig het, maar die NVG het steeds nie bekendgemaak of hulle gaan vervolg of nie. Verlede maand het die Valke die ultimatum wat die eenheid gestel het, geëer en bevestig dat die dossier op 9 Maart 2023 oorgedra is.
Die strafsaak teen die ANC-sekretaris-generaal spruit uit ’n 2018 Openbare Beskermer-verslag oor die destydse Minister van Sport se gesinsvakansie na Dubai, wat die saak na die NVG verwys het om te “ondersoek of die fondse wat gebruik is om vir die reis te betaal nie die opbrengs was van geldwassery nie”. Alles dui daarop dat die NVG hierdie opdrag eenvoudig geïgnoreer het.
In ’n brief aan adv. Shamila Batohi, die nasionale direkteur van openbare vervolging, gedateer 5 Junie, het adv. Gerrie Nel, hoof van AfriForum se privaatvervolgingseenheid verwys na die goed gedokumenteerde vertragings met die afhandeling van die saak teen Mbalula. “It is quite ironic that the NPA would criticise accused persons for using the Stalingrad defence tactic but would itself do anything possible to avoid deciding to prosecute or not. Thereby disappointingly doing anything possible to avoid undertaking their civil obligations by acting in good faith and without fear, favour or prejudice as lawyers of the people.
“We submit that the NPA is impotent in dealing with this matter. The futility of any expectation of a decision by the NPA leaves us contemplating an approach to the High Court and public disclosure of the ‘deliberate’ ineptness of the NPA’s handling thereof. It is perhaps opportune to allow the court of public opinion to judge the NPA’s selective approach to politically inconvenient prosecutions,” sê Nel.
Barry Bateman, woordvoerder van die eenheid, het verwys na uitlatings wat Mbalula in ’n onlangse onderhoud gemaak het, waar hy gesê het die Skerpioene moet teruggebring word omdat hulle doeltreffend is. “Volgens Mbalula se eie beoordeling is die NVG onbekwaam en nie in staat om misdaad te vervolg nie. Hy maak hierdie waarneming sonder ’n sweempie ironie, want as die Skerpioene skielik weer ingestel word, sal Mbalula van die eerstes wees wat teregstaan vir korrupsie.”
“Mbalula kan só ’n verregaande opmerking maak, veilig in die wete dat hy in die huidige bedeling voordeel trek uit politieke beskerming wat sy status as ANC-sekretaris-generaal bied, soos baie ander politici wat van vervolging beskerm word. Die prys sal te hoog wees vir leierskap in die NVG om ’n besluit teen die politieke elite te neem, soos blyk uit die voortdurende vertragings om hierdie saak af te handel,” sê Bateman.
’n Besluit om Mbalula te vervolg sal die eerste stap in die proses wees om vertroue in die NVG te herstel.
