Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Noord van die berg-tak begin met slaggatprojek

DeurAfriForum 06/06/202206/06/2022

AfriForum se Noord van die berg-tak het op 4 Junie begin om slaggate op te vul en het ongeveer 750 kg teer gebruik.

Areas waar die slaggate opgevul is, is by die Madelief Shopping Centre, Bokmakieriestraat, Waterbokstraat, Kanariestraat, Graffenheimstraat, Francoisstraat, Generaal Beyersstraat, Genl. De Wetstraat en by die stadsaal.

Die Noord van die berg-tak moedig die gemeenskap aan om betrokke te raak by hierdie projek. Inwoners kan fisies help om slaggate te vul of donasies maak in ’n poging om die noorde van Pretoria slaggatvry te maak.

“Ek wil graag ’n beroep op elke inwoner in die noorde van Pretoria doen om by hierdie tipe projekte betrokke te raak. Saam sal ons ’n verskil kan maak. Instansies wat hande wil vat met hierdie AfriForum-tak is ook baie welkom, want selfdoen is beter as niksdoen,” sê Sampie Steinberg, AfriForum se distrikskoördineerder vir Groter Pretoria-Noord.

“Baie dankie aan al die vrywilligers en die DA wat kom help het op die dag. Saam kan ons ’n reuseverskil maak,” sê Quinten Meyer, ’n lid van die Noord van die berg-tak.

Die tak sit soortgelyke projekte voort. Kontak Meyer by 082 304 8985 om betrokke te raak by die projekte. SMS “Zambesi” na 45340 (R1) om by AfriForum aan te sluit.