Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Veldtogte en petisies

Newcastle #Eiendomsbelasting

Deurafriforum 02/04/201902/11/2020

Hulle grap seker? Dis die eerste vraag wat jy jouself afvra as jy van Newcastle Munisipaliteit se voorgestelde belastingverhoging lees: Die gemiddelde verhoging in erfbelasting op residensiële eiendom is 28% en tot 64% op besigheids- of kommersiële eiendom!

Dié verhoging in erfbelasting is belaglik, om die minste te sê – dit is hoër as wat jy in ’n metropool sou betaal. Die verhoging, wat Julie in werking tree en vir die volgende vyf jaar geld, mag nie geïmplementeer word nie!

Help keer dat erfbelasting onregmatig verhoog word. Dit is nóú is dit jou kans om protes hierteen aan te teken. Genoeg is genoeg! Alle besware teen die waardasierol moet teen 12 April 2019 ingedien word. Deel daarom dié blad met jou vriende en familie. Versprei die woord, want almal het nóú ’n kans om hul sê te sê.

Só kan jy help keer dat die verhoging voortgaan:

Teken beswaar aan deur die vorm hieronder te voltooi. Jou petisie sal op rekord geplaas word.
Sluit by AfriForum se Newcastle-tak aan deur “Newcastle” na 45267 te SMS (R1), of http://artikels.afriforum.co.za/sluit-aan/ te besoek.

Jy kan ook jou beswaar aanteken teen die waardasierol direk op die munisipaliteit se webtuiste by https://eservicesapp.evaluations.co.za/newcastle/Index.aspx.

Kontak Eugene van Aswegen, AfriForum se koördineerder, as jy enige navrae het: eugene.vanaswegen@afriforum.co.za.

Staan op vir wat regverdig is: SMS jou naam na 45267 (R1) en sluit by AfriForum aan.