Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

#MyWoonbuurt-projek: Park in Flimieda weer spoggerig ná skoonmaakprojek

DeurAfriForum 14/03/202414/03/2024

Die AfriForum-tak in Klerksdorp het op 9 Maart in samewerking met die LHFW-buurtwag en die DA hande gevat om die parkie in Lautzlaan in Flimieda netjies te maak. Die LHFW-buurtwag, onder leiding van Christo Hanekom, het ingespring en ’n groot verskil gemaak. Hanekom het ’n vragmotor van sy onderneming, Matlosana Roofing, beskikbaar gestel om die vullis te verwyder. Hulle het ook inwoners se vullis, wat nie deur die munisipaliteit verwyder is nie, verwyder. Die vullis en die boomtakke het drie trokvragte volgemaak, asook een stortbak.

Lede van die gemeenskap het met bossiekappers opgedaag en die gras gesny – die AfriForum-tak het die brandstof voorsien. Jackie Basson van die DA het wyk 16 se inwoners aangemoedig om te kom help. Deur saam te werk en hande te vat, het hierdie buurt se mense iets groot reggekry. Die volgende skoonmaakprojek word vir 23 Maart beplan.

“Die samewerking tussen Klerksdorp se AfriForum-tak en ander organisasies is ’n duidelike bewys dat saamwerk die kernwoord is. Stukkie vir stukkie sal Klerksdorp se gemeenskap ’n verskil maak en die verval teenwerk. Baie dankie aan lede van die gemeenskap wat gehelp het om die lone van die arbeiders te betaal,” sê Alta Pretorius, AfriForum se distrikskoördineerder vir die Mooirivier.