Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mpumalanga-buurtwagte patrolleer hoofweë, span ses hommeltuie in om kapings, lokvalle te keer

DeurAfriForum 29/10/202429/10/2024

AfriForum se buurtwagte in Mpumalanga het verlede week van Maandag tot Saterdag verskeie misdaadbrandpunte gepatrolleer. Dié buurtwagte het veral op hoofweë gefokus om kapings en ysterpenlokvalle te voorkom. Tydens die week het 12 van AfriForum se buurtwagte bykans 5 000 km tussen Nelspruit en Piet Retief afgelê om patrollies te ry. Daar is boonop ook ses hommeltuie gelyktydig oor die N12 in Delmas gevlieg om die area te fynkam vir moontlike ysterpenlokvalle.

Die Delmas Valke-buurtwag in samewerking met die AfriForum-buurtwagte van Kempton Park, Benoni, Middelburg, Ermelo, Secunda en die Mpumalanga-lugvleuel het op 24 Oktober vir 6 uur lank om die beurt dié belangrike snelweg met hommeltuie gepatrolleer. Die hommeltuie se ligte is later die aand aangeskakel om misdadigers te ontmoedig om lokvalle te stel en te wys dat AfriForum se buurtwagte paraat en bereid is om op te tree indien nodig. Daar is egter op geen ysterpenlokvalle afgekom nie, vermoedelik as gevolg van die hoë sigbaarheidspatrollies wat dié buurtwagte in daardie stadium vir dae lank in die gebied gery het.

“Hierdie inisiatief is net weereens ’n bewys van hoe georganiseerde buurtwagstrukture saam kan staan om te verhoed dat misdaad vastrapplek in die streek kry,” sê Hennie Bekker, AfriForum se distrikskoördineerder vir die Hoëveld.

“AfriForum wil graag gemeenskappe in Mpumalanga aanmoedig om betrokke te raak by die burgerregteorganisasie se buurtwagstrukture om sodoende self beheer te neem oor hul veiligheid en die misdaadsituasie in die streek. AfriForum glo daarin om voorkomend op te tree en hierdie patrollies is net weereens ’n bewys daarvan,” voeg Arlo Van Heerden, AfriForum se distrikskoördineerder vir die Laeveld, by.

Raak vandag betrokke by jou naaste buurtwag betrokke deur Van Heerden te kontak by 066 486 7609 of besoek www.wordlid.co.za vir meer inligting.

Gemeenskapsake Mediaverklarings | Mediaverklarings

Boksburg-strate nou skoner danksy AfriForum-tak

DeurAfriForum 26/06/202426/06/2024

AfriForum se Boksburg-tak het ’n suksesvolle skoonmaakaksie gehou in Ravenswoodlaan en Tiendestraat. Tydens hierdie aksie is 70 sakke vullis weggery….