Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mooirivier-buurtwagte hou hul gemeenskappe veilig in November

Die AfriForum-buurtwagte in Mooirivier het in samewerking met die SAPD en ander veiligheidsinstansies hul onderskeie omgewings in November veilig gehou. Daar is meer as 400 patrollies deur die volgende buurtwagte gery: Sasolburg, Hartbeesfontein-buurt- en -plaaswag, Potchefstroom, Songloed (Klerksdorp), Wolmaransstad, Ventersdorp, Bothaville en Stilfontein.

In Sasolburg is daar ’n oorgrenspatrollie gehou. Die Hartbeesfontein-plaaswag het vermiste skape, trekkerbatterye en 60 liter diesel teruggevind. Hulle het ook saam met die SAPD en ander instansies vermeende gewapende rowers gevang wat ook vir moord gesoek is. In Potchefstroom is daar geen noemenswaardige voorvalle gerapporteer nie wat ’n aanduiding daarvan is dat die sigbaarheid van die buurtwag vrugte afwerp. Die Stilfontein-buurtwag het verdagtes gearresteer vir koperdiefstal en diefstal van lyndraadpale.

Die Hartbeesfontein-buurtwag het die SAPD gehelp om verkeer te reguleer tydens motorongelukke, ’n arrestasie vir betreding by Senwes se silo’s is uitgevoer terwyl nog vier persone in hegtenis geneem is vir die besit van gesteelde goedere. Hulle het ook tydens ’n padblokkade saam met die SAPD R14 000 se boetes uitgereik. Die Songloed-buurtwag het hulp verleen tydens ’n gewapende roof en ook ’n noodgroep gestig vir die inwoners. Hulle maak ook Leemhuisstraat skoon sodat dit veiliger is. Die Bothaville-buurtwag het verdagtes gearresteer wat ligte van mure af steel asook verdagtes wat by ’n kerk en huis ingebreek het. Intussen het hierdie buurtwag ook gesteelde goedere teruggevind. Ventersdorp se buurtwag werk saam met die SAPD en reageer dikwels op noodoproepe. In Wolmaransstad was daar ook nie noemenswaardige voorvalle nie.

Daar is ’n nuwe buurtwag in Deneysville gestig wat reeds besig is om patrollies te doen.

“Die Mooirivier-buurtwagte doen uitstekende werk in hul onderskeie gemeenskappe om inwoners veilig te hou. Daar sal gedurende die vakansie meer tyd aan veiligheid en patrollies afgestaan word om misdaad in hierdie tydperk hok te slaan,” sê Alta Pretorius, AfriForum se distrikskoördineerder vir Mooirivier.

Raak vandag nog by AfriForum se buurtwagte betrokke. Jy kan help om jóú omgewing te beveilig: SMS “Buurtwag” na 45353 (R1).