Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Mooinooi-tak vul slaggate in dié dorp

DeurAfriForum 05/05/202205/05/2022

AfriForum se Mooinooi-tak het op 30 April slaggate in dié dorp gevul nadat AfriForum menigte klagtes ontvang het oor die haglike toestande van die paaie.

Volgens Armand Viljoen, AfriForum se distrikskoördineerder vir Marico, versuim die Madibeng Plaaslike Munisipaliteit om hul daadwerklike pligte na te kom en belastingbetalers se geld reg aan te wend deur basiese dienste in die dorp te lewer.

“Die gemeenskap is keelvol daarvoor dat hulle geld gemors word. AfriForum sal hand uit die mou steek om hierdie dienste te begin lewer en die gemeenskap by te staan,” sê Viljoen.

Die Mooinooi-tak beoog om hierdie projek volhoubaar te dryf en vra daarom die hulp van die gemeenskap en besighede in die area.

“AfriForum nooi graag die gemeenskap en besighede in die dorp uit om donasies te maak sodat AfriForum hierdie projek deurlopend kan uitvoer. Donasies kan gemaak word by die Mooinooi-tak en besighede kan teer skenk of handearbeid verleen wat die tak kan help om die slaggate in die dorp te vul,” sluit Viljoen af.

Verder sal AfriForum ook deurlopend druk plaas op die Madibeng-munisipaliteit om dienste in die dorp te lewer en belastingbetalers se geld korrek te bestee.

Inwoners wat donasies wil maak vir teeraankope, kan die volgende bankbesonderhede gebruik:

AFRIFORUM NPC

Eerste Nasionale Bank (FNB)

Rekeningnommer: 623 498 983 98

Takkode: 261 550

Verwysing: MOOINOOI

Word vandag nog deel van AfriForum se Mooinooi-tak: SMS “Mooinooi” na 45344 (R1) of skakel vir Alie Chamberlain by 078 874 3973.