Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Monumentale Cantus Koorfees bekoor gehoor

Deurafriforum 26/08/201902/11/2020

Die burgerregtewaghond AfriForum is trots om vanjaar weer deel te kon wees van die vierde Monumentale Cantus Koorfees wat op 24 Augustus 2019 by die Voortrekkermonument plaasgevind het.

Hierdie wonderlike inisiatief het vier jaar gelede ’n werklikheid geword onder leiding van Vashti Trichard en Vaughan van Zyl, onderskeidelik gesoute koorleier en -afrigter, ten bate van die behoud en voortbestaan van die monument, wat ’n baie belangrike deel van ons kultuur en erfenis uitmaak.

Die fondse wat tydens die koorfees ingewin word is ten bate van die instandhouding en bewaring van die monument.

Vyf kore het vanjaar aan dié spoggeleentheid deelgeneem: Hoër Volkskool Heidelberg, Magaliesberg Kinderkoor, Laerskool Roodekrans, Laerskool Muldersdrif en Laerskool Anton van Wouw.

“Die aand was weer eens ’n groot sukses. Die kore het ons vermaak met wonderlike koorsang en boonop het die gehoor ook entoesiasties aan ’n samesang van FAK-liedjies deelgeneem. Dit is ’n ongelooflike belewenis om hierdie gesang in die monument te ervaar – so ryk aan geskiedenis, deel van ons erfenis en in Afrikaans!” sê Carien Bloem, AfriForum se bestuurder vir onderwys.