Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Plaaslikeregeringsake Mediaverklarings

Minister en LUR’e moet verseker openbare deelname vind elektronies plaas

Deur 27/03/202002/11/2020

Die burgerregteorganisasie AfriForum het ’n dringende skrywe aan dr. Nkosazana Dlamini-Zuma, Minister van Samewerkende Regering en Tradisionele Sake, en die LUR’e gerig om te verseker dat enige dokumentasie wat munisipaliteite publiseer ingevolge artikel 75 van die Munisipale Finansiële Bestuurswet (MFMA) op die betrokke munisipaliteit se webtuiste beskikbaar gemaak moet word.

“AfriForum se 141 takstrukture neem aktief aan die geïntegreerde ontwikkelingsplan (GOP)-prosesse van munisipaliteite deel. Weens die staat van inperking moet munisipaliteite ’n verskerpte fokus op elektroniese kommunikasie plaas sodat gemeenskappe steeds doeltreffend aan openbaredeelnameprosesse soos munisipale begrotings en die GOP kan deelneem. Die meerderheid munisipaliteite voldoen nie aan hierdie wetgewing nie en daarom is dit belangrik dat die minister en LUR’e toetree,” sê Morné Mostert, bestuurder van plaaslikeregeringsake by AfriForum.

Die finale rondte van munisipaliteite se openbaredeelnameproses rakende die GOP en begroting vind gewoonlik in Maart en April plaas. Hierdie twee dokumente bepaal die befondsing van ’n munisipaliteit se volgende finansiële jaar en kan ’n wesenlike impak op die munisipaliteit se finansies hê.

Dr. Eugene Brink, strategiese raadgewer vir gemeenskapsake by AfriForum, sê die provinsiale departement kan en moet hul oorsigfunksie uitoefen om te verseker dat munisipaliteite aan wetgewing voldoen. “Provinsiale departemente kan nie net terugsit en kyk hoe munisipaliteite verder agteruitgaan nie. Hulle moet inspring en munisipaliteite wat gebrekkig is, aanmaan. As die munisipaliteite nie gehoor gee nie, moet daar van artikel 139-ingrypings gebruik gemaak word.”