Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Malmesbury-tak doen dieresorg

DeurAfriForum 12/08/202212/08/2022

Die burgerregteorganisasie AfriForum se Malmesbury-tak het op 6 Augustus 2022 besluit om ook na die mens se beste vriend – honde – om te sien.

Die plaaslike AfriForum-tak het hande gevat met Star Animal Outreach en honde versorg. Mense kon hul hondekinders bring om gedip en deur ’n veearts ondersoek te word om seker te maak die honde is in ’n goeie toestand.

Diegene wat hul honde gebring het om versorg te word, het ook ’n splinternuwe AfriForum-leiband van die Malmesbury-tak ontvang. “Star Animal Outreach waardeer dit só baie dat organisasies soos AfriForum ook in die diere belangstel. Die nood is groot, omdat diere-organisasies soos dié afhanklik is van skenkings uit die gemeenskap,” sê Kim Poulton, voorsitter van AfriForum se Malmesbury-tak.

“Hierdie projek is goed ondersteun en bykans 100 nuwe AfriForum-leibande is aan honde-eienaars oorhandig,” sê Poulton.

Die tak moedig die gemeenskap aan om by hul eie AfriForum-tak betrokke te raak om ’n daadwerklike verskil te maak in hul gemeenskap: SMS “Boland” na 45350 (R1) om vandag aan te sluit.