Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Privaatvervolging Mediaverklarings

NVG bevestig Malema se vervolging danksy volgehoue druk deur AfriForum

Deurafriforum 09/10/201902/11/2020

AfriForum het vanmiddag van vertroulike bronne bevestiging ontvang dat Julius Malema wel deur die Nasionale Vervolgingsgesag (NVG) vervolg gaan word en binnekort in die hof (waarskynlik die Mdantsane-landdroshof in die Oos-Kaap) moet verskyn. Dít volg nadat AfriForum klagtes teen Malema aanhangig gemaak het ná hy tydens die EFF se vyfjaarfeesvieringe in 2018 skote afgevuur het met ’n voorwerp wat soos ’n aanvalsgeweer gelyk het.

AfriForum se privaatvervolgingseenheid, onder leiding van adv. Gerrie Nel, het vroeër vanjaar aangedui dat AfriForum die hof sal nader ten einde die NVG te dwing om ’n beslissing oor Malema se vervolging te maak. Malema staar talle klagtes uit verskeie handelinge in die gesig en AfriForum het reeds op verskeie geleenthede sy bekommernis uitgespreek dat Malema se oortredinge anders hanteer word as dié van gewone landsburgers.

Die NVG het eers ná AfriForum se betrokkenheid besluit om aandag aan Malema se vervolging te skenk.

“Die NVG is in hierdie saak die geleentheid gegun om aan die publiek te bewys dat hulle misdade vervolg – ongeag die oortreder se identiteit en sonder enige vrees en/of voorkeur. AfriForum sal die saak deurlopend moniteer om te verseker dat geregtigheid geskied,” sê Ian Cameron, AfriForum se hoof van gemeenskapsveiligheidsafdeling.