Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Privaatvervolging Mediaverklarings

Malema en Ndlozi se aanrandingsaak uitgestel

Deur 10/03/202002/11/2020

Julius Malema, leier van die EFF, en Mbuyiseni Ndlozi, EFF-woordvoerder, het ná volgehoue druk deur AfriForum vandag in die Randburgse landdroshof verskyn vir die beweerde aanranding van ’n SAPD-kolonel. Die saak is egter tot 23 en 24 Junie 2020 uitgestel omdat Malema en Ndlozi se regsverteenwoordiger aangevoer het die regspan het nog tyd nodig om voor te berei.

Dít volg nadat AfriForum in Julie 2019 aangekondig het dat die organisasie die hof met ’n mandamus-aansoek gaan nader om die NVG te verplig om besluite te neem oor die vervolging van Malema rakende hierdie en twee ander hangende sake teen hom.

Malema en Ndlozi het na bewering in April 2018 ’n senior polisieman in uniform aangerand tydens ’n voorval wat op kringtelevisiekameras vasgevang is. Die senior polisieman het ’n klag by die polisie aanhangig gemaak, maar dit het geen polisieaandag geniet nie totdat AfriForum se Privaatvervolgingseenheid in Januarie 2019 navraag oor die ondersoek gedoen het.

“Dit is jammer dat die hofverrigtinge uitgestel moes word omdat Malema en Ndlozi se regspan nie gereed was om hul verdediging te behartig nie. Hulle kon dit wel vandag regkry om die regsproses te vertraag, maar Malema en Ndlozi sal nie op die lange duur geregtigheid vryspring nie. AfriForum sal toesien dat hulle hul dag in die hof kry,” sê Kallie Kriel, uitvoerende hoof van AfriForum.

Mediaverklarings | Privaatvervolging Mediaverklarings

Privaatvervolgingseenheid kry lasbrief om Jaco Swart te arresteer

DeurAfriForum 22/08/202322/08/2023

AfriForum se privaatvervolgingseenheid het ’n reuse-oorwinning behaal in die ontwikkeling en uitbreiding van die reg met betrekking tot private vervolging….