Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Veldtogte en petisies

Maak jou stem dik teen die ANC se rassediskriminasie.

DeurAfriForum 12/09/202222/09/2022

Die ANC-regering is geheel en al ras behep. Hulle klou al vir dekades lank vas aan wetgewing wat op grond van velkleur diskrimineer, en elke jaar probeer hulle die lys raswette net langer en langer maak. Een voorbeeld is die regering se weiering om befondsing te gee aan die TEARS-stigting, wat al jare lank geslagsgebaseerde geweld beveg en slagoffers bystaan, omdat dié stigting nie aan swart ekonomiese bemagtiging se rassekriteria voldoen nie. Die regering het ook in 2020 geweier – op grond van rassekriteria – om Covid-hulpfondse aan sukkelende kleinsake-eienaars in die toerismebedryf beskikbaar te stel. Hoewel AfriForum daarin geslaag het om die kriteria van die toerismefonds onwettig te laat verklaar, veg die ANC-regering in 2022 steeds teen hierdie uitspraak en vir hul reg om te mag diskrimineer op grond van ras.

Genoeg is genoeg. Terwyl die ANC-regering veg vir hul reg om te diskrimineer, veg AfriForum vir ’n einde aan rassewette.

Onderteken asseblief die petisie:

http://artikels.afriforum.co.za/wp-content/uploads/2022/09/Submission-on-race-ENG-GFdB.pdf