Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

Lydenburg-buurtwag bied vuurwapenopleiding aan

DeurAfriForum 31/05/202331/05/2023

AfriForum se Lydenburg-buurtwag het die afgelope naweek vlak 2-vuurwapenopleiding aan agt buurtwaglede aangebied. Dié opleiding het op praktiese aspekte gefokus sowel as gevorderde skietoefeninge en vuurwapenhantering.

Dit volg nadat al hoe meer vuurwapens in die hande van misdadigers beland en buurtwaglede moet weet hoe om in so ’n situasie op te tree. Die doel van hierdie opleiding was om die bevoegdheid van die buurtwag se patrolleerders te verbeter. Dit stel die buurtwaglede in staat om volgens die wet op te tree wanneer hulle hul gemeenskappe veilig hou.

“Dit is vir ons lekker om ook op hierdie manier ons buurtwaglede se vaardighede te verbeter om sodoende te verseker dat hulle hulle gemeenskappe en hulself doeltreffend kan beskerm,” sê Arlo van Heerden, AfriForum se distrikskoördineerder vir die Laeveld.

AfriForum se Lydenburg-buurtwag moedig lede van die publiek aan om deel te word van die buurtwag en hul gemeenskap te beskerm.