Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Laer Suidkus-gemeenskap ontvang noodsaaklike opleiding in vuurwapenhantering

Kennis is mag en kennis van korrekte vuurwapenhantering kan in ’n noodsituasie die verskil tussen lewe en dood beteken. Juis daarom het AfriForum se buurtwagte aan die Laer Suidkus verlede week noodsaaklike praktiese opleiding in vuurwapenhantering aangebied aan gemeenskapslede hier. Dié opleiding vorm deel van AfriForum-buurtwagte se opleidingsprogram wat ten doel het om gemeenskapslede te bemagtig en hul bevoegdheid ten opsigte van optrede tydens ’n misdaadsituasie deurgaans te verbeter.

“Ons is dankbaar dat lede hieraan deelgeneem het om hulself te bemagtig. Ons het al verskeie lesings aangebied oor onder meer die korrekte hantering van en optrede by misdaadtonele, radiosprosedures en wetlike aspekte rakende veiligheid, en beplan om binnekort ook verdere veiligheidsopleiding aan te bied,” verduidelik Cliff Holme, AfriForum se buurtwagleier van die Laer Suidkus.

AfriForum se Laer Suidkus-tak het onlangs sy buurtwag uitgebrei na die Elysium-gemeenskap en beplan om vanjaar selfs verder uit te brei.

“Weens die kommerwekkende hoë misdaadvlakke in KwaZulu-Natal, vorm veiligheid en veiligheidsopleiding ’n belangrike fokus van ons tak,” sê Theuns Boshoff, takvoorsitter van die Laer Suidkus-tak. Hy nooi daarom lede van die gemeenskap uit om deel te word van AfriForum se veiligheidstrukture in dié gebied en derhalwe ook by veiligheidsopleiding wat hier aangebied word, te baat.

Volgens Eugene van Aswegen, AfriForum se provinsiale koördineerder vir KwaZulu-Natal, bied AfriForum vlak 1- tot 3-veiligheidskursusse aan wat strek vanaf basiese opleiding vir patrolleerders tot meer gevorderde opleiding vir protospanlede. “Dit is noodsaaklik dat gemeenskapslede hulself bemagtig in ’n wêreld waar misdaad hand uitruk,” sê Van Aswegen.

Die jongste misdaadstatistiek vir die tydperk vanaf Julie tot September 2023, wat in November verlede jaar deur die Suid-Afrikaanse Polisiediens (SAPD) vrygestel is, toon dat ’n 1 603 moorde in dié tydperk in KwaZulu-Natal gepleeg is. Dit kom neer op nagenoeg 18 moorde per dag. “Die provinsie het ’n bloedige misdaadreputasie en die gemeenskap het daarom ’n dringende verantwoordelikheid om op ’n verantwoordelike wyse en binne die raamwerk van die wet om te sien na hul eie veiligheid,” sluit Van Aswegen af.

Word vandag nog deel van AfriForum se gemeenskapsveiligheidstrukture aan die Laer Suidkus. Kontak Holme vir meer inligting by 082 896 3029.