Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

Kyk: Hommeltuigopleiding maak gemeenskappe sterker

DeurAlet Rademeyer 21/04/202221/04/2022

Gemeenskapsveiligheid het vandeesmaand nog ’n hupstoot gekry met nog nege AfriForum-takbestuurslede wat suksesvolle hommeltuigopleiding in Orania ontvang het.

Dit bring die aantal individue wat opgelei is sedert AfriForum se lugsteuneenheid in 2018 op die been gebring is op 72 te staan. Dit was die sesde kursus wat aangebied is.

Paula Carstens van die Malelane/Nelspruit-tak het die kursus geslaag.

Verskeie AfriForum-takke het hul eie hommeltuie of is in die proses om dit aan te skaf. AfriForum het tans toegang tot meer as 30 hommeltuie wat in noodsituasies tot die lugsteuneenheid se beskikking is.

Volgens Marius Muller, ’n instrukteur by Forum Sekuriteit gemoeid met die opleiding, behels dit ’n weeklange intensiewe teoretiese en praktiese opleiding. Hommeltuigoperateurs word deeglik in vliegvaardighede sowel as kennis van hommeltuie opgelei. Kandidate skryf vier teoretiese toetse en ’n hooftoets wat hulle met 80% moet slaag. Operateurs kan nie kwalifiseer as hulle nie die praktiese sowel as teoretiese toetse geslaag het nie. Die volgende opleidingsessie is in Junie.

Volgens Deon Steyn, bestuurder van AfriForum se lugsteuneenheid, dra die gebruik van hommeltuie sonder twyfel tot groter gemeenskapsveiligheid by. Die beskikbaarheid van die hommeltuie by AfriForum-takke het ook tot groter samewerking met die SAPD en veiligheidsmaatskappye in gemeenskappe gelei.

Waldie Bornman is die eksterne eksaminator van die kursus.

Steyn sê hommeltuie is al suksesvol gebruik in die opsporing van vermiste persone, menslike oorskot, gesteelde voertuie en ander toerusting. Dit het ook al gelei tot die suksesvolle arrestasie van rowers, inbrekers, kabeldiewe, plaasaanvallers en misdadigers. Dit word ook toenemend ingespan in situasies van onwettige plakkery, optogte en onluste.