Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Veiligheid Mediaverklarings

Kuruman-tak, SAPD en ander staan saam om misdaad te bekamp

DeurAfriForum 26/08/202002/11/2020

Die AfriForum-tak in Kuruman se brandbestrydingspan het op 22 Augustus hande met die Kuruman SAPD en distriksraad gevat om ’n veld waar rowers en ander misdadigers gereeld wegkruip, te brand om sodoende misdaad in hierdie gebied te bekamp.

Verder het die AfriForum-buurtwag in dié dorp in samewerking met die SAPD en ander sekuriteitsmaatskappye van 09:00 tot 14:00 ’n patrollie gehou om die sigbaarheid van veiligheidstrukture in die omgewing te verhoog.

Een van die omliggende nedersettings se buurtwag het ook bystand gebied.

“Ons is ernstig oor die bekamping van misdaad en die beveiliging van ons gemeenskap. Ons is ook baie dankbaar vir goeie samewerking om dié gemeenskaplike doelwit te bereik,” sê Gerald Tonsieng, voorsitter van AfriForum se Kuruman-tak.