Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Korrupsie Mediaverklarings | Mediaverklarings

Korrektiewe Dienste moet aankondig of Zuma terug gaan tronk toe

DeurAfriForum 04/08/202304/08/2023

Die burgerregteorganisasie AfriForum doen ’n beroep op Makgothi Thobakgale, Nasionale Kommissaris van Korrektiewe Dienste, om sonder uitstel aan te kondig of oudpres. Jacob Zuma na die Estcourt-gevangenis moet terugkeer. Dít volg nadat sy mediese parool deur die Konstitusionele Hof onwettig verklaar is, danksy AfriForum en ander wat in 2021 regstappe geneem het om die vrylating van Zuma te beveg.

“Dit is onaanvaarbaar dat Suid-Afrikaanse landsburgers reeds 23 dae in spanning moet wag om te hoor of Zuma, wat optree asof hy bo die wet geag word, wel sy volle vonnis in die tronk gaan uitdien, soos hy behoort te doen,” sê René van der Vyver, woordvoerder vir AfriForum.

Zuma se mediese parool, wat deur Arthur Fraser, voormalige Nasionale Kommissaris van Korrektiewe Dienste, toegestaan is, is op 13 Julie onwettig verklaar. AfriForum verwag ’n dringende antwoord van Thobakgale en staan gereed om verdere stappe te doen indien die finale besluit onwettig of onreëlmatig is.