Klerksdorp-tak se #OnsDorp-projek gaan voort in Buffeldoornweg
Die AfriForum-tak in Klerksdorp gaan steeds voort met die skoonmaakprojek in Buffeldoornweg. Die padgeute in ’n groot deel van die pad is reeds skoon, terwyl die res van die pad nou skoongemaak en die gras op die eilande gesny sal word. Die omvang van die skoonmaakprojek is groter as wat aanvanklik bereken is.
Die Klerksdorp-gemeenskap se verbintenis tot die Buffeldoornweg-skoonmaakprojek is werklik inspirerend. Met soveel van die pad reeds skoongemaak, is dit duidelik dat hulle toegewyd is om hul dorp mooi en veilig te maak vir almal. Dit is hartverblydend om so ’n sterk gemeenskapspoging te sien om hierdie doel te bereik.
“Die takbestuur is dankbaar vir al die lede en donateurs wat bygedra het tot hierdie belangrike projek. Hul vrygewigheid en harde werk het nie ongesiens verbygegaan nie en ek glo dat hul pogings beloon sal word met ’n mooier en veiliger dorp om in te woon. Dit is ook die moeite werd om die ondernemings te noem wat dit op hulle geneem het om die paaie voor hul eiendom in stand te hou. Hulle inisiatief en verantwoordelikheidsin is bewonderenswaardig en stel ’n uitstekende voorbeeld vir ander om te volg,” sê Frans Roos, voorsitter van die AfriForum-tak in Klerksdorp.
Hy doen ’n beroep op ander ondernemings om finansieel of andersins betrokke te raak by die AfriForum se #OnsDorp-projekte.
“Hierdie is ’n uitnemende voorbeeld van ’n gemeenskap wat eienaarskap van hulle dorp neem. Ek glo dat al hoe meer inwoners by hierdie projekte betrokke sal raak,” sê Alta Pretorius, AfriForum se distrikskoördineerder vir die Mooirivier.
Kontak Frans Roos by 083 378 8826 indien jy betrokke wil raak.
