Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

Kempton Park-buurtwag spoor verdagte op wat geld verduister

Deurafriforum 11/10/201702/11/2020

AfriForum se Kempton Park-buurtwag het op 5 Oktober 2017 in samewerking met die Suid-Afrikaanse Polisiediens (SAPD) ’n verdagte gearresteer wat R17 000 by ’n motorhandelaar in Norkem Park verduister het.
Dít volg nadat ’n buurwaglid ’n oproep van ’n plaaslike motorhandelaar ontvang het wat na hulp op soek was om ’n verdagte op te spoor nadat ’n klagte teen dié individu by die Bramley-polisiestasie aanhangig gemaak is.
Die buurtwag het ingestem om in samewerking met die Bramley-polisiestasie bystand te verleen. Een van die buurtwaglede het in die teenwoordigheid van ’n speurder telefonies ’n ontmoeting met die verdagte in ’n winkelsentrum in Norkem Park gereël. Na afloop van die ontmoeting het die verdagte in haar voertuig geklim en weggery. Sy is egter deur die SAPD agtervolg, waarna hulle haar gestop en ondervra het.
Die verdagte het gesê dat ’n foto van haar eintlik haar tweelingsuster is, waarna ’n buurtwaglid haar selfnommer geskakel het. Die verdagte se selfoon het begin lui en sy het erken dat sy wel die verdagte is waarna die SAPD op soek is. Sy is gevolglik in hegtenis geneem en na die Bramley-polisiestasie geneem.

“Dit is verblydend om te sien hoe die SAPD op AfriForum se knoppie kan druk in die voortdurende stryd om misdaad te bekamp,” sê Jan Vermaak, voorsitter van AfriForum se Kempton Park-buurtwag.

Raak by AfriForum se Kempton Park-buurtwag betrokke en help sodoende om jou omgewing te beveilig: SMS “Buurtwag” na 45342 (R1).