Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

Kabeldiewe loop hul rieme styf

DeurAfriForum 20/02/202320/02/2023

Die Brits-buurtwag het op 18 Februarie inligting vanaf ’n AfriForum-lid ontvang dat twee verdagtes besig was om die treinspoor agter Lighthouse Christian College in Raasblaarstraat te beskadig.

Lede van AfriForum se Brits-buurtwag het hulle na die toneel gehaas en verskeie sekuriteitsmaatskappye soos Monitor Net, Protego, Secra, PPS en Transnet het ook hulp verleen. ’n Beskrywing van die verdagtes is uitgestuur en is sodoende sowat 500 meter verder op die treinspoor vastrek met die kabels nog in hul besit. Die verdagtes is daarna aan Transnet se veiligheidswagte oorhandig wat ’n saak van diefstal by die Brits-polisiestasie geopen het.

“Hierdie is weereens ’n bewys van hoe samewerking tussen buurtwagte en sekuriteitsmaatskappye die gemeenskap se veiligheid kan bevorder. Dit dui ook op die belangrikheid van buurtwagstelsels en hoe effektief dit is om oë en ore op die grond te hê. Baie dankie aan almal wat reageer het en so gou op die toneel hulp verleen het,” sê Stephan Roos, voorsitter van die Brits-tak.

“Ons wil graag die gemeenskap vir al hul hulp bedank, saam maak ons ’n verskil,” sê Armand Viljoen, distrikskoördineerder vir Marico.

Skakel vir Johan de Klerk by 082 415 0987 om by die Brits-buurtwag aan te sluit. Dié tak moedig die gemeenskap aan om vandag nog betrokke te raak en deel van die oplossing te word: SMS “Brits” na 45350 (R1).