Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum Jeug Mediaverklarings | Mediaverklarings

Is plan vir strenger NSFAS-beursvereistes weens AfriForm Jeug-saak oor agterstallige skuld aan studente?

DeurAfriForum 22/11/202122/11/2021

AfriForum Jeug neem kennis van die beplande wysiging aan die bepalings en voorwaardes op grond waarvan toekomstige studente deur die Nasionale Finansiële Hulpskema vir Studente (NSFAS) beoordeel sal word.

Ingevolge die beoogde wysiging moet studente in die toekoms 75% van hul kursusmodules slaag om steeds finansiële ondersteuning van die skema te ontvang.

“Die voorgestelde wysiging, waar studente 75% van hul vakke sal moet slaag, word deur AfriForum Jeug sowel as belastingbetalers verwelkom,” sê Bernard Pieters, bestuurder by AfriForum Jeug.

AfriForum Jeug en NSFAS is steeds in ’n hofgeding gewikkel wat AfriForum Jeug namens studente voer wat nooit die beloofde fondse van dié skema ontvang het vir die 2020- studiejaar nie. Die saak is aangehoor in die Wes-Kaapse Hooggeregshof in Kaapstad op 14 April 2021 en uitspraak is voorbehou. “Indien hierdie uitspraak in AfriForum Jeug se guns is, sal duisende studente waarskynlik betalings moet ontvang wat NSFAS in ’n moeilike finansiële posisie sal plaas. Dit mag moontlik bydra tot die akademiese merietebeperkings wat NSFAS nou wil instel,” voeg Pieters by.

Indien personeel, dosente of studente meer inligting ten opsigte van die beoogde wysiging het, kan hulle dit stuur na jeug@afriforum.co.za wat dit vertroulik sal hanteer.

In bogenoemde hofgeding verteenwoordig AfriForum Jeug sowat 130 studente, maar as die uitspraak in hulle guns is, sal AfriForum Jeug vir ’n hersiening kan vra sodat al 5 000 studente wat nie die beloofde befondsing ontvang het nie, en dus tans met groot bedrae onvoorsiene skuld opgeskeep sit, daarby kan baat. AfriForum Jeug het die hoop uitgespreek dat die uitspraak binnekort sal volg sodat die studente hul planne vir 2022 kan finaliseer en hulle onsekerheid eindelik uit die weggeruim kan word.

Raak vandag nog by die kampusse se jeugstrukture betrokke en help om ’n verskil te maak: Stuur ’n e-pos aan jeug@afriforum.co.za of SMS “Kovsies” na 32687 (R1).