Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Onderwys- en leierskapsprojekte Mediaverklarings

Hoërskool debatteerders van Namibië baat uit Dink of Sink-werkswinkel

DeurAfriForum 20/09/202420/09/2024

AfriForum se Dink of Sink-span het op Donderdag 19 September ’n werkswinkel vir hoërskoolleerders by die Napso Nictus Kuns- en Kultuurfees by Laerskool Walvisbaai in Namibië aangebied.

Die doel van die Dink of Sink- onvoorbereide debatskompetisie is om debat in Afrikaans op hoërskool- en universiteitsvlak te bevorder. Terselfdertyd leer die debatteerders ’n kernvaardigheid aan wat hulle in die toekoms sal baat wanneer hulle die werksplek betree.

Altesaam 27 hoërskoolleerders en ses onderwysers van nege hoërskole in Namibië het die werkswinkel bygewoon. Die skole is Tsumeb Privaatskool, Gobabis Gimnasium, Moria Privaatskool, Elnatan Privaatskool, Windhoek Afrikaanse Privaatskool, Pro-Ed Akademie, Walvisbaai Privaatskool, Berg-op Akademie en Oranjemund Privaatskool.

“Die leerders wat die werkswinkel bygewoon het, het van die staanspoor gereedgestaan om goeie argumente te vorm en hulle sê te sê,” verklaar Nicolene Müller, AfriForum se projekkoördineerder vir Onderwys.

Die leerders sal nou terugkeer na hul onderskeie skole en saam oefen om debat-gereed te wees vir volgende jaar.

“Die hoë gehalte van Donderdag se werkswinkel voorspel dat die Namibiese skole in 2025 ’n hond uit ’n bos teen die Suid-Afrikaanse skole gaan praat,” sluit Müller af.