Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

HK-lede gesels oor eerste jaar by De Goede Hoop

Deur 18/09/201702/11/2020

De Goede Hoop-koshuis het op Saterdag 21 Oktober ’n opedag vir alle voornemende studente wat in 2018 in die Pretoria-omgewing wil studeer.

Dié Afrikaanse privaatkoshuis is op ŉ Christelike grondslag geskoei en word deur die burgerregte-organisasie AfriForum ondersteun. Die koshuis het ten doel om ŉ inklusiewe tuiste vir enige Afrikaanssprekende student te wees. Dit kan as ŉ kultuurinstelling bestempel word wat verblyf bied vir alle studente wat gemaklik binne die Afrikaanse gemeenskap voel, ongeag hul ras.

De Goede Hoop is sowat 2 km van die Universiteit van Pretoria se Hatfield-kampus geleë en akkommodeer beide mans- en damestudente in aparte vleuels van die gebou.

Nantes Kelder, De Goede Hoop se koshuisvader vir 2018, en HK-lede het met Forum Nuus gesels oor wat dié koshuis uniek maak.

Volgens Marné Buys, HK-lid vir kultuur, is De Goede Hoop studente se huis weg van die huis af. “By De Goede Hoop hoef jy nie skaam te wees om te bid voor ŉ vergadering of te bekommer as jy Afrikaans in die gange wil praat nie. Hier kan jy jouself ten volle in jou taal uitleef.”