Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Hessekwa-tak dra bejaardes se higiëne op die hart

DeurAfriForum 13/08/202413/08/2024

Die AfriForum-tak in Hessekwa is besorgd oor die bejaardes in die omgewing en het daarom op 4 Augustus ’n ruim skenking van toiletware aan Huis Edwin Theron in Albertinia gemaak. Die skenking was deel van ’n gemeenskaplike inisiatief om die tehuis te ondersteun en die inwoners waardig te laat voel.

Van die items wat deel was van hierdie skenking ter waarde van R5 000 was sjampoe, deodorant, seep, tandepasta en toiletpapier.

“Dit is almal se verantwoordelikheid om na ons gemeenskappe om te sien. Dit is belangrik dat die bejaardes die nodige benodigdhede soos seep en sjampoe het om higiënies te kan leef,” sê Nita Wessels van AfriForum se Albertinia-plaaswag. Dié plaaswag het ook ’n bydrae tot die skenking gelewer.

AfriForum se Hessekwa-tak en sy Albertinia-plaaswag het ook verskeie veiligheidsinisiatiewe in die streek. AfriForum se Albertinia-plaaswag het onlangs verskeie suksesvolle operasies saam met die Suid-Afrikaanse Polisiediens (SAPD) uitgevoer, waartydens daar arrestasies gemaak is en boetes ter waarde van R6 000 uitgeskryf is.

Raak vandag nog by jou naaste AfriForum-struktuur betrokke. Kontak Erasmus by marthinus.erasmus@afriforum.co.za of 081 216 9602 om by die AfriForum-tak in Hessekwa aan te sluit.