Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

Groot belegging gaan in Afrikaanse opleiding gemaak word

Deur 10/10/201502/11/2020

Beraadgangers wat die Solidariteit Beweging se Toekomsberaad vandag in Pretoria bywoon, het gehoor dat meer as R1 miljard oor die volgende vyf jaar in Afrikaanse opleiding belê gaan word.

Die beweging se onderwysplan strek van kleuterskool tot ’n privaat Afrikaanse universiteit. Die verwagting is dat Akademia teen 2020 sowat 2 000 studente sal hê en meer as 24 sentrums word regoor die land beplan.

Dit sluit ook ’n voedingsprojek vir meer as 4 000 kleuters by 60 kleuterskole landwyd in, 25 000 skooltassies vir gr. 1’s en ondersteuning aan 560 Afrikaanse skole.

Die tegniese kollege Sol-Tech gaan uitgebou word en honderde onderwysers gaan deur die Akademie Reformatoriese Opleiding en Studies (Aros) opgelei word.

Volgens die plan gaan Solidariteit Helpende Hand se studiefonds wat reeds meer as R73 miljoen uitbetaal het om 4 300 studente te help, oor vier jaar R100 miljoen per jaar aan studiehulp gee, het dr. Danie Brink, uitvoerende hoof van Helpende Hand, gesê.

Alana Bailey, adjunk uitvoerende hoof van AfriForum, het gesê die burgerregte-waghond sal ook die verantwoordelikheid neem om die onderwysregte van die Afrikaanse gemeenskap te beskerm en die belangrikheid van moedertaalonderrig sal deur veldtogte en aksies beklemtoon en uitgebou word.