Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Groblersdal-tak leer skole van herwinning

DeurAfriForum 27/03/202327/03/2023

AfriForum se Groblersdal-tak het op 23 Maart hul herwinningsprojek in die dorp afgeskop deur drie herwinningspunte onderskeidelik by die Klouter Klitsies Kleuterskool, by die CVO Gromar Landbou Akademie se koshuis en by hierdie skool se kantoorarea aan te bring. Die tak wil graag met hierdie projek ’n verskil maak deur ’n gesonde omgewing te skep.

Die versamel- en sorteringspunte wat deur die tak by die skole gevestig is, vorm deel van die herwinningsnetwerk in Groblersdal. Die tak se rol in hierdie netwerk is dus om die rommel te versamel en te sorteer. In sekere gevalle kan slegs ’n gedeelte van die materiale herwin word. Daarna word die residu by die herwinningsaanlegte omgeskakel om hergebruik te word.

Hierdie projek gee aan leerders die geleentheid om te leer hoe herwinning werk deur self die rommel by die skool in verskeie dromme te sorteer.

“Dit is vir AfriForum belangrik om saam met leerders, onderwysers en ouers te werk om ’n verskil te maak. Hierdie is net nog ’n stukkie gereedskap wat leerders kan inspan om in hulle gemeenskappe ’n verskil te maak,” sê Magdel Jansen van Vuuren, distrikskoördineerder vir Limpopo

Herwinning laat ’n mens toe om hulpbronne op ’n rasionele wyse te gebruik, veral nie-hernubare bronne, wat in die langtermyn kan bydra tot die behoud en beskerming van ons omgewing en die vermindering van besoedeling. Herwinning is ’n volhoubare manier om hulpbronne te gebruik sonder om enige skade aan die omgewing aan te rig.

“Ons sal self herwinningsprojekte aanpak en self instandhouding- en opknappingswerk doen om na ons omgewing om te sien,” sê Hendrik Kotze, takvoorsitter in Groblersdal.

Raak vandag nog betrokke by AfriForum se tak in Groblersdal: SMS “jou naam” na 45340 (R1) en maak op dié manier ’n positiewe bydrae.