Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

George-tak hou gebeurlikheidsbeplanning in Herold

Die AfriForum-tak in George het op 8 en 9 September ’n gebeurlikheidsbeplanning in Herold net buite George gehou, wat aangebied is deur genl.maj. Roland de Vries.

Die dag se beplanning het ten doel gehad om ’n eenheid vir gemeenskapsveiligheid te stig om groter samewerking tussen AfriForum, die plaaslike boereverenigings, privaat sekuriteitsmaatskappye en die GPF te bewerkstelling. Die eenheid bestaan uit verteenwoordigers van verskeie instansies wat taktiese reaksionêre, lugsteun en regsteun vermoë beskikbaar stel aan die gemeenskap. Hierdie eenheid het ten doel om ’n onafhanklike forum te skep, waarop verskeie lede van ander instansies saamwerk om hul omgewing te beveilig. Tydens hierdie beplanning is daar voorsiening gemaak vir die gemeenskap se beveiliging tydens onluste en soortgelyke bedreigings. Daar is ook verskeie sleutelroetes geïdentifiseer, wat deur dwelmhandelaars en vlugtende kriminele gebruik word.

“Hierdie inisiatief het ontstaan uit die nood vir gemeenskapsbeveiliging. Die aantal aanvalle in die Tuinroete neem toe met rasse skrede en dis nou belangriker as ooit om saam te staan en ons veiligheid in ons eie hande te neem,” sê Èduan Naudé, voorsitter van AfriForum se George tak.

’n Slagoffer van ’n onlangse plaasaanval het ook die vergadering toegespreek en verduidelik hoe belangrik dit is vir ’n gemeenskap om hulself te beveilig teen hierdie geweld. Sy het benadruk hoe belangrik dit is om paraat te bly, om alle moontlike voorsorg te tref teen aanvallers en te verseker dat hulp ontbied kan word. Die gemeenskap is dikwels in staat om vinniger te reageer as die polisie of brandweer en kan sodoende lewens red.

“Dit is uiters bemoedigend om te ervaar hoe ’n gemeenskap bymekaar kan kom en vir ’n gesamentlike doel staan,” sê Kemp Myburg, ondervoorsitter van AfriForum se George-tak. “Hierdie geleentheid het ’n belangrike netwerk geskep vir die gemeenskap om nuwe rolspelers te ontmoet en mekaar se hande te versterk. By AfriForum glo ons dat gemeenskapsveiligheid ’n gesamentlike doel is en hoewel niemand alles kan doen nie, kan almal iets doen.”

Skakel Naudé by 082 563 1489 vir meer inligting of stuur ’n e-pos na george@afriforumtak.co.za.