Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Eskom veg verwoed om inligting oor kontrakte stil te hou

Die Gautengse Hooggeregshof in Pretoria het vandag uitspraak voorbehou in Eskom se aansoek om verlof tot appèl in die Eskom-kontraksaak waar die hof in Maart vanjaar in AfriForum se guns beslis het. Ingevolge daardie uitspraak moes Eskom binne tien dae vanaf die datum van die hofbevel inligting rakende sy bestaande steenkool- en dieselkontrakte aan dié burgerregteorganisasie voorsien.

AfriForum se hofgeding met Eskom volg op ’n aansoek wat die burgerregteorganisasie reeds in Julie 2022 kragtens die Wet op die Bevordering van Toegang tot Inligting (PAIA) aan Eskom gerig het. AfriForum vermoed dat die kontrakte inligting vervat wat moontlik onreëlmatighede en korrupsie by die kragvoorsiener aan die lig kan bring.

In Eskom se aansoek om verlof tot appèl het die kragvoorsiener onder meer aangevoer dat die volledige besonderhede van sy steenkool- en dieselkontrakte vertroulik gehou moet word.

Charné Mostert, veldtogbeampte by AfriForum, beklemtoon egter dat die toegang tot alle inligting oor dié kontrakte noodsaaklik is vir ’n omvattende ondersoek. “Bewerings van ongerymdhede en korrupsie by Eskom is niks nuuts nie. Inteendeel, die Zondo-kommissie se verslag oor die ondersoek na bewerings van staatskaping, korrupsie en bedrog in die openbare sektor in 2022 het talle bewyse van korrupsie en onreëlmatige uitgawes in Eskom blootgelê. AfriForum is gerat om die kontrakte, waaroor daar nou talle vrae bestaan oor die reëlmatigheid daarvan, te fynkam,” verduidelik Mostert.

Eskom se voortgesette pogings om die inligting geheim te hou, herbevestig die kragvoorsiener se taktiek van geheimhouding en om alles in die stryd te werp om te keer dat die volledige inligting oor die betrokke kontrakte openbaar gemaak word. Siende dat Eskom deur belastingbetalers gefinansier word, is die Suid-Afrikaanse publiek geregtig op die bekendmaking van dié inligting.

Volgens Mostert is dit uit vandag se verrigtinge duidelik dat Eskom gereed is om die appèl enduit te voer. “Tog sal Eskom se desperate pogings om die inligting te weerhou, AfriForum nie in sy doel stuit om die volle waarheid oor dié kontrakte te kry nie. Dit het tyd geword vir Eskom om verantwoordelikheid te neem.”