Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Entrepreneur van die Jaar-kompetisie: Opleiding begin volgende week

As deel van die Entrepreneur van die Jaar-kompetisie bied AfriForum Sakenetwerk opleidingsessies aan in samewerking met Akademia oor verskeie onderwerpe wat verband hou met belangrike elemente van die entrepreneurswêreld.

Die opleiding vind vanaf 13 tot 23 Junie 2022 plaas.

AfriForum Sakenetwerk glo dat entrepreneurs en sake-eienaars verantwoordelikheid en eienaarskap moet neem oor hul onderneming. Jy word aangemoedig om jouself te bemagtig met die nodige kennis oor jouself en jou besigheid. Identifiseer dus die vaardighede wat jy en jou onderneming benodig om jou onderneming volhoubaar te maak en uit te brei na ’n onderneming wat sy plek volstaan in die gemeenskapsekonomie, die Suid-Afrikaanse en die internasionale ekonomie.

Vanjaar se opleidingsessies raak die volgende onderwerpe aan:

13 Junie: Algemene beginsels van kontraktereg, ondernemingsvorme en aanspreeklikheid
14 Junie: Basiese gebruik van Microsoft Office, opstelling van webwerf en e-posse vir onderneming, gratis en/of goedkoop sagteware vir gebruik in klein sakeondernemings, asook entrepreneuriese vaardighede en werksmag van die toekoms
15 Junie: Basiese beginsels van produk, plek, prys en promosie vir teikenmark
21 Junie: Aanstel of afdank
23 Junie: Belasting, registrasies, toepaslike rekenaarprogramme, finansiële state, kontantvloeibestuur, bedryfskapitaal, begrotings en waardetoevoeging tot jou produk of diens

Belê in jou toekoms met vanjaar se opleidingsessies en kom kuier saam met die span van die Entrepreneur van die Jaar-kompetisie en die volgende topgehalte dosente van Akademia:

Sarita Gerber, ’n dosent in Regsgeleerdheid
Jaco-Louis Kruger, ’n dosent in die NGOS-program
Amorie Blignaut, ’n dosent in Ondernemingsbestuur
Salomien Boshoff, ’n dosent in Bemarking en Ondernemingsbestuur
Mornè Venter, ’n dosent in BCom (ondernemingsbestuur), meer spesifiek Menslikehulpbronbestuur en Arbeidsverhoudinge
Nikkie Kennedy, ’n dosent in Bestuursrekeningkunde en Belasting.
Nicolene Steenkamp is die programkoördineerder van BCom (Finansiële Beplanning) en ’n dosent in Rekeningkundige Wetenskappe
Shaun Coetzee, ’n dosent in die Departement Ekonomiese en Finansiële Wetenskappe
Daniëlla du Preez, ’n dosent in Rekeningkundige Wetenskappe
Johann Smith, ’n dosent in Ondernemingsbestuur

Klik hier vir ’n kort CV oor al die aanbieders by vanjaar se opleidingsessies.

Volg hierdie skakel na die kaartjieverkope.