Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Entrepreneur van die Jaar-kompetisie 2022: Hiér is die wenners

AfriForum Sakenetwerk het op 28 en 29 September in samewerking met Akademia, Pretoria FM, Steyn IP en Kwikstert die Entrepreneur van die Jaar-kompetisie by Seeplaas in Grootbrakrivier aangebied. Tydens dié spoggerige geleentheid is Bertha Lewis as wenner van dié kompetisie, wat vanaf 2017 aangebied word, aangewys.

Bertha Lewis is die eienaar van Lingi in Afrikaans. Lingi is ’n Afrikaanssprekende teddiebeer wat kinders van kleure, digbundels, stories en ledemate van die liggaam leer. Lewis is ’n oudioloog en spraakterapeut wat verseker dat kinders presies weet hoe om woorde korrek aan te leer sowel as uit te spreek.

Tydens hierdie kompetisie het finaliste voorleggings aan ’n uitgesoekte paneel voorgelê. Die finaliste en beoordelaars is ook gevra om ’n wenner vir die toekenning van netwerker van formaat aan te wys. René Kleynhans, eienaar van Intiem Weddings in Pretoria, het dié eer te beurt geval. Sy het tydens Covid-19 besluit om vir paartjies die geleentheid te bied om klein troues te hou en vandag loop haar naweke van troues en kosmaak oor.

Die beoordelaars by vanjaar se kompetisie was Mia Louw (inhoudsregisseur van Winslyn), Annette Muller (hoof- uitvoerende beampte by Flexyforce), Elmarie Berry (eienaar van Berry Good Foods en mede-eienaar van Samesyn), Dr Johan Beukes (ondernemings-, lewens- en leierskapafrigter) en Marco van Niekerk (hoof- uitvoerend beampte van Outdoor Investment Holdings).

“Hoewel daar groot pryse op die spel is, is die kompetisie ook uniek danksy die platform wat dit aan die wenner bied. Die wenner se produk of diens word wyd op verskillende sosialemediaplatforms versprei, asook op nuusplatforms soos Pretoria FM, Maroela Media en Forum Tydskrif. Ons wil deur dié kompetisie plaaslike entrepreneurs aanmoedig en beloon. Ons sien hulle harde werk raak en harde werk is noodsaaklik om in Suid-Afrika suksesvol te wees. Die finaliste in vanjaar se kompetisie het weereens bewys dat Suid-Afrikaanse en veral Afrikaanse entrepreneurs geen einde aan kreatiewe vermoëns het nie,” sê Sanderien van der Walt, bestuurder van AfriForum Sakenetwerk.

“Akademia is ’n trotse vennoot van dié Afrikaanse entrepreneurskompetisie wat elke jaar net nóg groter en beter word. Die kompetisie skep die ideale geleentheid vir entrepreneurs wat ’n publisiteitshupstoot nodig het en uitstekende advies van kundiges in die gebied wil ontvang. Ons sien uit om die kompetisie volgende jaar verder uit te bou en kennis met nóg entrepreneurs te maak wat ’n verskil in hulle gemeenskappe maak,” sê Mareli Swanepoel, projekbestuurder by Akademia.