Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

De Goede Hoop-studente kry gratis lidmaatskap by Harlequins-sportklub

Deurafriforum 12/12/201702/11/2020

Studente van De Goede Hoop, ’n tuiste vir dinamiese studente met Christenwaardes en ’n passievolle gees vir Afrikaans, kry nou gratis lidmaatskap by die Harlequins-sportklub in Pretoria.

Dit sluit onder meer gratis toegang tot die klub se rugby-, netbal-, muurbal-, rolbal-, hokkie- en krieketgeriewe in, asook afslag by die klub se restaurante. Lede ontvang ook ’n lojaliteitskaart en Harlequins-spandrag.

Studente wat meer kultuurgedrewe is, het steeds ondersteunersvoordele soos afslag by die restaurante en hulle kry ook ondersteunersdrag.

De Goede Hoop, ’n privaat Afrikaanse koshuis, is geleë in Walkerspruit, Pretoria, sowat een kilometer van Tuks se hoofkampus en sowat twee kilometer van die Groenkloof-kampus.

Dit bestaan uit sowel ’n mans- as damesvleuel. Mans en dames kan dus gesamentlik op een perseel, maar afsonderlik in verskillende vleuels woon en só aan die studentelewe deelneem.

De Goede het ook vanjaar deelgeneem en goed gevaar by die Harlequins Koshuis-sewestoernooi vir rugby en netbal. Die burgerregte-organisasie AfriForum het as hoofborg by dié toernooi opgetree, waartydens verskeie rugby- en netbalspanne van universiteitskoshuise van onder meer die Wes-Kaap, Vrystaat, Noordwes en Gauteng met mekaar meegeding het.

Daar is steeds enkele kamers vir mansstudente beskikbaar. Vir meer inligting besoek http://www.degoedehoop.co.za/aansoeke/.