Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Centurion-buurtwag ontvang opleiding om bloeding te beheer

DeurAfriForum 19/07/202319/07/2023

AfriForum se buurtwaglede in Centurion het op 18 Julie Stop the bleed-opleiding ontvang waartydens hulle drie vinnige tegnieke geleer het om ’n lewe te red voordat iemand uitbloei.

Hierdie opleiding is ’n groot behoefte by AfriForum-buurtwagte omdat buurtwagpatrolleerders daagliks by ongelukke en traumaverwante voorvalle help.

Die buurtwaglede het geleer hoe om hul hande te gebruik om druk op ’n wond toe te pas, hoe om ’n oop wond te behandel om bloeding te beheer en hoe om ’n toerniket korrek te gebruik.

“Die vrywilligers het baie gebaat by die praktiese opleiding en het nou die nodige kennis om ondersteuning aan slagoffers in hul betrokke gemeenskappe te bied. Hierdie is ’n waardevolle toevoeging tot gemeenskapsveiligheid en ons hoop dit kan nog verder uitgebrei word,” sê Sampie Steinberg, AfriForum se distrikskoördineerder vir die Groter Pretoria-Noord.

“Ongelukke en misdaad vind deesdae meer gereeld plaas en kennis soos hierdie kan die verskil tussen lewe en dood beteken,” sê André de Bruyn, voorsitter van AfriForum se Centurion-tak.

Raak vandag nog by AfriForum se Centurion-tak betrokke: Besoek www.wordlid.co.za.