Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwagte weer operasioneel danksy volgehoue druk deur AfriForum

Deur 01/06/202002/11/2020

Albert Fritz, Minster van Gemeenskapsveiligheid in die Wes-Kaap, het vandag aangekondig dat die Nasionale Sekretaris van die SAPD aangedui het dat buurtwagte weer hul pligte kan hervat.

Dit volg ná AfriForum ’n skrywe aan Bheki Cele, Minister van Polisie, gerig het en die belangrikheid van buurt-, kleinhoewe- en plaaswagte voortdurend in die media uitgelig het. Ander organisasies en rolspelers het dié voorbeeld gevolg om bewustheid te skep. AfriForum se petisie om buurt-, plaas- en kleinhoewewagte toe te laat om hul veiligheidsinisiatiewe te hervat, is deur ongeveer 30 000 bekommerde mense onderteken.

“AfriForum se nagenoeg 150 veiligheidstrukture landwyd sal sonder skroom weer voortgaan om hul gemeenskappe te beveilig. AfriForum is gereed om strukture te ondersteun in die stryd teen die moontlike vlaag van verdere misdaad wat moontlik kan ontstaan weens die ekonomiese skade wat die deur die inperking veroorsaak is,” sê Ian Cameron, AfriForum se hoof vir Gemeenskapsveiligheid.

Die buurtwagnetwerk, wat 12 000 vrywilligers sterk is, sal misdaad nou weer in noue samewerking met ander wetstoepassingsowerhede die stryd aansê. Hulle sal nou hul gemeenskappe na behore kan beveilig sonder dat regulasies weerbaarheidverbeteringspogings kniehalter.