Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

Buurtwagspan voorkom kabeldiefstal in Vanderbijlpark

Deurafriforum 19/02/201802/11/2020

Lede van AfriForum se Vanderbijlpark-buurtwag het op 16 Februarie 2018 ’n vermeende kabeldief gevang en aan die SAPD oorhandig. Die verdagte was na bewering besig om helder oordag by ’n elektriese substasie in Carpentierstraat te probeer inbreek.

“’n Lid van die publiek het kapgeluide gehoor en die buurtwag in kennis gestel. Die buurtwag het ondersoek ingestel en ’n persoon betrap wat aan die binnekant van die heining besig was om een van die veiligheidshekke te probeer opbreek. Die persoon is gearresteer en aan die SAPD oorhandig voordat enige skade aan die substasie of kabels aangerig kon word,” sê Hannes Kruger, ’n lid van AfriForum se Vanderbijlpark-buurtwag.

Mense wat graag by dié tak se aksies en projekte betrokke wil raak, kan afriforumvdb@gmail.com e-pos of “Vdbp” na 45342 SMS (R1).