Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Beurtkrag se donkerte nou verdryf ná skenking aan Laerskool Kathu

DeurAfriForum 17/04/202417/04/2024

Die donkerte van beurtkrag en kragonderbrekings wat al te dikwels oor Laerskool Kathu se terrein toesak, sal voortaan heelwat minder wees. Dit is te danke aan ’n welkome skenking van twee 90 watt-sonpaneelligte wat AfriForum se Kathu-tak verlede week aan dié skool geskenk het.

Volgens Johan Snyman, voorsitter van die Kathu-tak, sal hierdie skenking ’n belangrike bydrae tot veiligheid en misdaadvoorkoming op die skoolterrein maak. Dit sal uiteindelik ook ’n reusevoordeel vir die leerders se veiligheid en welstand inhou.

“Die veiligheid van kinders en in hierdie geval van skoolleerders in die besonder, is vir AfriForum van kardinale belang. Hoewel beurtkrag ’n bittere realiteit geword het, kan ons as gemeenskap hande vat en die uitwerking daarvan op kwesbare lede van die gemeenskap help verlig. Dit is juis hier waar AfriForum ’n rol het om te speel om te help bou aan ’n gesonde en veilige gemeenskap,” benadruk Snyman.

Vir meer inligting oor dié en ander projekte wat die Kathu-tak aanpak of om lid te word, kontak Johan Snyman (063 132 1293) of Werner Strauss (081 217 1752) by die Kathu-takkantoor.