Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

Betogings oor watertekorte: Delareyville-tak en -buurtwag vat hande met gemeenskap om situasie te ontlont

Deurafriforum 23/10/201702/11/2020

Die AfriForum-tak en -buurtwag in Delareyville het verlede week met verskeie gemeenskapsorganisasies en -lede hande gevat om te help om gewelddadige betogings oor watertekorte in dié dorp onder beheer te bring.
Die tak en buurtwag het saam met onder meer die Boere-unie, Boere-reaksiegroep, Fastrac-sekuriteit en die plaaslike DA-raadslede gewerk om die veiligheid van inwoners te verseker en water spoedig deur middel van tenks te voorsien ter verligting van die krisis.
Volgens Alta Pretorius, AfriForum se streekskoördineerder vir Stellaland, het die AfriForum-buurtwag en ander veiligheidsinstansies die polisie deurentyd bygestaan en ook die gebied gepatrolleer.

“AfriForum Nasionale Veiligheid het voorts sowel addisionele tweerigtingradio’s as koeëlvastebaadjies beskikbaar gestel. Daar is onder meer ook gehelp om vure te blus – nadat bande aan die brand gesteek is – en gehelp om die strate op te ruim en klippe wat op paaie gegooi is, te verwyder. Ander lede van die gemeenskap het gehelp deur eet- en drinkgoed te voorsien,” sê Pretorius.

Verder het die AfriForum-tak saam met verskeie boere en inwoners gehelp om vol watertenks te voorsien om die voortslepende en drukkende watertekortkrisis te verlig. Een van dié tenks is deur betogers beskadig, maar is vinnig herstel.

“Druk is vanaf verskeie oorde op die Tswaing Plaaslike Munisipaliteit geplaas om die krisis finaal op te los. AfriForum sal die situasie moniteer en voortgaan om druk op die munisipaliteit toe te pas en saam met ander plaaslike instansies te werk om tussentydse oplossings te vind,” sluit Pretorius af.