Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Bethal-tak herstel strate

DeurAfriForum 12/10/202212/10/2022

Die AfriForum-tak in Bethal het in September begin om die strate in dié dorp te herstel en is steeds volstoom aan die gang in ’n poging om motoriste se veiligheid te verseker.

Verskeie strate is reeds herstel en nog vele strate se herstelwerk word beplan. Daar is herstelwerk in Kleijnhans-, Clerq-, Tsibitso Sibanyoni-, Buffel-, Malherbe- en Wichtstraat sowel as Marklaan gedoen.

Dié werk wat gedoen is sluit nie net die herstel van die strate in nie, maar ook die seël van die slaggate wat opgevul is. Die projek beloop tans meer as R12 000 per maand vir die vyfmanspan wat die werk verrig.

“Ons werk hard om belangrike paaie in Bethal te herstel sodat mense met gemak by hulle bestemmings kan uitkom,” sê Hennie Bekker, distrikskoördineerder vir die Hoëveld.

Sluit vandag by AfriForum se Bethal-tak aan: SMS “Bethal” na 45340 (R1).