Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Ondersoek-en-traumaeenheid Mediaverklarings

Bennie Roux #HardloopvirHoop om geld vir geweldslagoffers in te samel

Deur 14/10/201902/11/2020

Bennie Roux (41), ’n ultramarathonatleet van Centurion, gaan aanstaande week honderde kilometers in die Vrystaat aflê om geld vir AfriForum se Trauma-ondersteuningseenheid in te samel.

AfriForum se Trauma-ondersteuningseenheid lewer ’n baie unieke, persoonlike diens aan slagoffers van geweldsmisdaad – veral slagoffers van plaasaanvalle. Die eenheid is in 2015 gestig en het sedertdien uitgebrei weens die toename in misdaad en veral plaasaanvalle. Die eenheid het al 238 mense ondersteun, waarvan 38 kinders is. Die Trauma-ondersteuningseenheid verskaf ook kos aan behoeftige slagoffers en bied ondersteuning met byvoorbeeld basiese mediese uitdagings, die voorsiening van klere, hofsake, die afneem van verklarings en, in sekere gevalle, die nodige sielkundige ondersteuning.

Só lyk Roux se #HardloopvirHoop-roete van 22 tot 26 Oktober 2019:

22 Oktober: Roux spring weg in Villiers en hardloop grondpad tot in Frankfort. Hy gaan om 13:30 ’n muntlegging by die Hoërskool Wilgerivier in Frankfort hou.
23 Oktober: Hy spring by die Frankfort-gholfklub weg en hardloop tot in Reitz. Roux gaan om 13:30 ’n muntlegging by Hoërskool Reitz hou.
24 Oktober: Roux spring by die Hoërskool Reitz weg en hardloop na Bethlehem. Hy gaan om 17:00 by die Christensentrum in Bethlehem wees.
25 Oktober: Roux spring weg by Lavender Hill op die N5 en hardloop na Fouriesburg, waar daar om 12:00 ’n poeierverfpretloop by Fouriesburg Intermediêre Skool gaan plaasvind.
26 Oktober: Hy spring in Fouriesburg weg en sluit die dag by die Roosfees by die Oranje Gasteplaas af.

Meer besonderhede sal in latere media-uitnodigings gegee word.

Die publiek kan ’n bydrae lewer om die #HardloopvirHoop-projek te ondersteun:

Deel #HardloopvirHoop-plasings en -artikels op AfriForum se Facebook-blad met al jou vriende.
Maak ’n skenking of donasie: Skenk ’n bedrag per km (50 sent, R1, R5, R100 en so meer: 50 sent per km is byvoorbeeld R125).
Borg beskikbare pakkette wat vir ’n Artikel 18A-belastingsertifikaat kwalifiseer.

Kontak trauma@afriforum.co.za vir meer inligting.